B. A. Nazarbayeva

Suyuqlikli  eritish. 

Suyuqlikli  eritish  deganda  taglikni  kimyoviy  reagentli 

kyuvetga joylashtirish bilan materialning bir qismini chiqarib yuborish tushuniladi. 

Suyuqlikli  eritishning  ikkita  usuli  mavjud:  izotrop  va  anizotrop.  Izotrop  eritishda 

erituvchi  reagentlar  materialni  bir  paytning  o‘zida  barcha  yo‘nalishlarda  bir  tekis 

chiqarib yuboradi. Anizotrop eritishda esa materialni chiqarib yuborish tezligi turli 

yo‘nalishlarda  bir  xil  bo‘lmaydi,  shu  sababli  bu  uslubdan  murakkab  shaklli 

strukturalarni shakllantirish uchun foydalaniladi. Eritish tezligi ko‘pincha kremniy 

aralashmalarining konsentratsiyasi bilan belgilanadi.  

Kremniy  oksidlari  va  nitridlari,  alyuminiy,  polikremniy,  kremniy  va  oltinni 

eritish uchun o‘zining erituvchi reagentlari mavjud. Izotrop erituvchilar materialga 

barcha yo‘nalishlarda bir xil ta’sir ko‘rsatishi sababli ular materialni faqat vertikal 

yo‘nalishda emas, balki gorizontal yo‘nalishda ham chiqarib yuboradi, bunda ular 

niqobning ostida joylashgan qatlamni eritadi. Bu 4.43- rasmda ko‘rsatilgan. 

 

4.43- rasm. Niqob qatlami ostida izotrop eritish