B. A. Nazarbayeva

 Tagliklarni  tutashtirish. 

Murakkab  qurilmalarni  olish  uchun  turli 

materiallardan ishlangan tagliklarni bir-biri bilan tutashtirishning ko‘plab uslublari 

mavjud.  Kremniyni  shisha  bilan  tutashtirishning  eng  keng  tarqalgan  uslublaridan 

biri anodli yoki elektrostatik eritish bo‘lib hisoblanadi. Buning uchun kremniy va 

shisha  tagliklar  birga  tutashtiriladi  va  yuqori  haroratgacha  qizdiriladi.  So‘ngra  bu 

tutashuvga  yuqori  kuchlanish  qo‘yiladi,  natijada  tagliklar  o‘rtasida  juda 

mustahkam bog‘lanishlar hosil bo‘ladi. 

Ikkita  kremniy  tagliklarni  tutashtirish  uchun  to‘g‘ridan-to‘g‘ri  tutashtirish 

uslubi qo‘l keladi, u ikkita kremniy plastinkalarni suv ostida birlashtirish va ularga 

unchalik katta bo‘lmagan bosim ko‘rsatishdan iborat. Shuningdek shisha va rezist 

---

247 

 

kabi  oraliq  adgezion  qatlamlardan  foydalanuvchi  uslublar  ham  ommaviy  bo‘lib 

hisoblanadi.  Garchi  anodli  eritish  va  tagliklarni  to‘g‘ridan-to‘g‘ri  tutashtirish 

uslublari  mustahkam  tutashuvlarni  olish  imkonini  bersada,  ular  etarlicha  jiddiy 

kamchilikka  ega:  ular  uchun  tutashuvchi  yuzalarning  tozaligi  va  silliqligi  muhim 

ahamiyatga  ega  bo‘ladi.  Tagliklarni  tutashtirish  uslublaridan  turli  datchiklarning 

tarkibiy  qismlari  bo‘lib  hisoblanadigan  membranalar,  konsollar,  klapanlar  va 

hokazolarni tayyorlashda mikrostrukturalarni mahkamlash uchun foydalaniladi.