Toshkent farmatsevtika instituti dori turlari texnologiyasi kafedrasi biofarmatsiya

dan  25%  gacha  bo‘lsa
,  bunda  birinchi  bo‘lib,  dori  moddasini  quruq  holicha  havonchada 
maydalab,  so‘ng  isitilgan  asosning  yarmida  ezib  aralashtiriladi.  Bu  erda  yordamchi  suyuqlik 
ishlatish  tavsiya  etilmaydi,  sabab  surtma  tarkibidagi  dori  moddalarining  konsentratsiyasini 
pasayishiga va surtmani suyuqlanib ketishiga olib keladi. 
Emulsion surtma bu geterogen sistema bo‘lib, asosda erimaydigan va unda emulsiya 
tipida tarqalgan suyuq dispers faza saqlagan surtmalarga emulsion surtmalar deyiladi.
 
Ushbu  surtmalar  o‘z  tarkibida  dori  moddalarining  suvli  eritmalarini  yoki  suvda  eriydigan 
dori  moddalarini  o‘z  ichiga  olishi  mumkin.  Bu  surtmalarning  asosiy  guruhini  S/M  eritmasi 
tipidagi  emulsion  surtmalar  tashkil  etadi.  Suspenzion  surtmalardan  farqi,  emulsion  surtmalar 
teriga  tez  so‘riladi,  suvli  fazasidagi  dori  moddalari  esa  terapevtik  samaradorligini  tez  namoyon 
etadi.  
Emulsion  surtmalarga  protargol,  kollargol  va  tanin,  alkaloid  tuzlari,  kaliy  yodid,  kumush 
nitratlar suvli eritma holida kiritiladi (dorixatda yozilgan miqdoridan qat’iy nazar, aks holda ular 
terapevtik  effekt  ko‘rsatmaydi).  Lekin  penitsillin  guruhiga  mansub  dori  moddalari  emulsion 
surtmalarga  suvli  eritma  holida  kiritilmaydi,  chunki  ular  suv  ta’sirida  parchalanib  ketadi. 
Emulsion  surtmalarni  tayyorlashda  asos  shimib  olishi  mumkin  bo‘lgan  suvni  inobatga  olib, 
suyuqlik  olish  kerak,  ya’ni  suvli  lanolindan  kelib  chiqib,  dori  moddasini  eritish  kerak  bo‘lgan 
suv hisoblab topiladi.