Toshkent moliya instituti "soliqlar va soliqqa tortish" kafedrasi "soliqlar va soliqqa tortish"

4.  Jismoniy  shaxslardan  olinadigan  daromad  solig’i  stavkalari,  soliqdan 

beriladigan imtiyozlar va soliqni hisoblash tartibi 

Ma’lumki, iqtisodiyotni modernizatsiyalash va yangilash sharoitida mamlakat 

YaIMni  o’sishi  natijasida  aholini  daromadlari  ham  uzluksiz  ravishda  oshirib 

borilmoqda.  “2013-yilda  xalqimizning  real  daromadlari  16  foizga  oshdi,  o’rtacha 

oylik  ish  haqi,  pensiya,  ijtimoiy  nafaqa  va  stipendiyalar  20,8  foizga  ko’paydi”

5

. 

Shuningdek  aholining  daromadlarini  soliqqa  tortish  ham  takomillashtirilib 

borilmoqda. Jismoniy  shaxslar  daromadlarini  soliqqa  tortishda  ularning  mehnatga 

haq  to’lash  shaklidagi  daromadlarini  soliqqa  tortish    boshqa  daromadlariga 

nisbatan  ulushining  miqdori  yuqoriligi  bilan  o’ziga  xos  xususiyat  kasb  etadi. 

Chunki bu holat ushbu daromadlarni shakllantirishning muntazamligi va aholining 

keng qatlamini qamrab olinganligi bilan izohlanadi.  

Quyidagi  3-jadval  ma’lumotlaridan  ko’rinib  turibdiki,  eng  kam  ish  haqining 

karrali  intervallari  nisbatan  o’zgrishsiz  bo’lsada,  jismoniy  shaxslarning  daromad 

solig’i stavkalarida 2011-2014 yillar davomida birmuncha o’zgarishlar bo’lganligi 

kuzatiladi.  Eng  kam  ish  haqining  5  baravaridan  ortgan  qismiga  soliq  stavkasi 

o’rganilayotgan  yillar  davomida  o’zgarishsiz  qolmoqda.  Eng  kam  ish  haqining  5 

baravarigacha  bo’lgan  qismiga  soliq  stavkasi  2011-2014  yillar  davomida  2,5 

punktga  pasayganligini  ko’rish  mumkin.  Bu  esa  kam  daromad  manbasiga  ega 

bo’lganlardan imkon qadar kamroq soliq solinishi bilan belgilanadi.  

                                                           

5

  O’zbekiston  Respublikasi  Prezidenti  Islom  Karimovning  Mamlakatimizni  2013-yilda  ijtimoiy-iqtisodiy 

rivojlantirish    yakunlari  va  2014-yilga  mo’ljallangan  iqtisodiy  dasturning  eng  muhim  ustuvor  yo’alishlariga 

bag’ishlangan Vazirlar Mahkamasining majlisidagi ma’ruzasidan. 

---