Buxoro davlat tibbiyot instituti kurbanova gulnoz negmatovna kasbiy pedagogika

2.
 
Kirish. 
Case-study asosidagi o‘quv jarayoni samarali bo‘lishi uchun ikki jihat muhim 
hisoblanadi:  yaxshi  keys  va  uni  o‘quv  jarayonida  qo‘l-lashning  muayyan 
metodikasi.  Keys  nafaqat  muayyan  hodisalarni  ta’riflaydi,  balki  vaziyatni 
tushunishga  yordam  beruvchi  yagona  axborot  kompleksi  hisoblanadi.  Bundan 
tashqari, u qo‘yilgan muam-moni hal etishga undovchi savollar jamlanmasini o‘z 
ichiga olishi lozim. 
Keys quyidagi talablarga javob berishi lozim: 
– tuzishdan ko‘zlangan aniq maqsadga muvofiq bo‘lishi; 
– tegishli murakkablik darajasiga ega bo‘lishi; 
– fanning bir necha jihatlarini tasvirlashi; 
– bugungi kunda dolzarb bo‘lishi; 
– tipik vaziyatlarni tasvirlashi; 
– tahliliy fikr yuritishni rivojlantirishi; 
– diskussiyaga undashi; 
– bir necha echimlarga ega bo‘lishi; 
– fanlararo aloqalarga ega bo‘lishi. 

---

141 
 
Ayrim  olimlarning  fikrilariga  ko‘ra  keyslar  ikkiga,  ya’ni  «o‘lik»  va  «tirik» 
keyslarga  bo‘linadi.  «O‘lik»  keyslarga  tahlil  qilish  uchun  barcha  zarur  bo‘lgan 
axborotlarga ega keyslar kiradi. Keysni «tiriltirish» uchun uni tinglovchilarni tahlil 
qilish uchun qo‘shimcha axborotlarni izlashga undaydigan tarzda tuzish kerak. Bu 
keysning  rivojlanishini  va  uzoq  vaqt  davomida  dolzarb  bo‘lib  qolishini 
ta’minlaydi. 
Keys  bilan  ishlashda 
o‘qituvchi  tomonidan  amalga  oshirilishi
 
mumkin 
bo‘lgan uchta strategiya mavjud: 
1)
 
o‘qituvchi masalaning uchini qo‘shimcha savollar yoki (qo‘shimcha) 
ma’lumot shaklida beradi; 
2)
 
ayrim sharoitlarda o‘qituvchining o‘zi javob beradi; 
3)
 
kimlardir  muammo  yuzasidan  ishlayotganda  o‘qituvchi  hech  narsa 
qilmasligi  mumkin  (so‘zsiz  bo‘lishi).  O‘quv  vaziyati  tahlil  qilina-yotganda 
o‘qituvchi «faol» yoki «faol bo‘lmagan (passiv)» rolini egal-lashi mumkin. Ayrim 
paytlarda  u  muhokamani  boshqaradi,  ayrim  vaqtlarda  esa  diskussiya  bo‘yicha 
xulosa chiqarish bilan chegaralanadi.