Z. S. Ubaydullayeva, sh. R. Xalimova muhandislik geologiyasi va gruntlar

5-§. Minerallarning fizik xossalari 
 
Minerallarning  fizik  xossalariga  ularning  rangi,  tiniqligi,  yaltiroqligi, 
qattiqligi, sinuvchanligi, ulanish tekisligi, zichligi va boshqa xossalari kiradi.  
 
Rangi: 
minerallar  tabiatda  har  xil  rangda  uchraydi,  lekin  ko’pgina 
minerallar  o’ziga  xos  doimiy  rangga  ega.  Masalan,  xlorid  har  doim  yashil  rangda 
bo’ladi.   
 
Minerallar  rangining  o’zgarishiga  ularning  tarkibida  boshqa  qo’shimcha 
kimyoviy  moddalar  uchrashi  sabab  bo’ladi.  Hamma  minerallarni  rangiga  qarab 
ikki turga bo’lish mumkin: 
1.
 
Ochiq  rangdagi  minerallar  –  rangsiz,  oq,  oqish  qo’ng’ir,  sariq,  pushti 
rangdagi minerallar (kvars, dala shpati, gips, kalsid va boshqalar);  
2.
 
To’q  rangdagi  minerallar  –  qora  to’q  yashil,  qo’ng’ir-jigarrang  va 
boshqa rangdagi (shox aldamchisi, avgit, magnetit va boshqalar). 
 
Ko’pgina  minerallar  bo’lak  holatida  bir  rangda,  maydalanganda  boshqa 
rangga  ega  bo’ladi.  Shuning  uchun  minerallarda  “chizig’ining  rangi”  xususiyati 
tushunchasi ham aniqlanadi. 
 
Minerallar chizig’ining rangini mineral bo’lakchasini chinni bo’lakchasini 
ustiga  chiqish  yo’li  bilan  aniqlanadi.  Masalan,  gematit  minerali  qoramtir  rangda 
bo’lib, maydalanganda qizg’ish rangga o’tadi.