Z. S. Ubaydullayeva, sh. R. Xalimova muhandislik geologiyasi va gruntlar

 
II BOB. TARIXIY GEOLOGIYA. GEOXRONOLIGIYA. 
3-§.Tog’ jinslarining yoshi. 
 
Inshootlarni qurishda joyning muhandis-geologik sharoitini aniqlash, tog’ 
jinslarining yoshini bilish katta ahamiyatga ega.  

---

27 
 
 
 
Yerning  qachon  paydo  bo’lganligini,  ya’ni  uning  tarixi  odamlarni  ancha 
vaqtdan beri qiziqtirib kelmoqda. Hozirgi vaqtda Yerning yoshi 4 – 4,5 mlrd yilga 
teng. 
 
Tog’ jinslarining yoshini aniqlashning ikki xil usuli mavjud.  
 
Absolyut yosh
 – yillarda hisoblanib, radiaktiv moddalarning parchalanish 
davriga  qarab  aniqlanadi.  Bu  usul  radiaktiv  usul  deb  ham  yuritiladi.  Masalan,  1gr 
uran moddasidan qancha qo’rg’oshin hosil bo’lishiga va bu elementlarning mineral 
tarkibida qancha miqdorda borligiga qarab, o’sha mineral tog’ jinslarning absolyut 
yoshini aniqlash mumkin. 
 
Nisbiy yosh
  –  tog’  jinslarining  yoshini  bir-biriga  nisbatan  solishtirishdan 
iborat.  Ya’ni  tog’  jinsining  qari  yoki  yosh  ekanligini  aniqlash  mumkin.  Tog’ 
jinslarining nisbiy yoshini aniqlashning ikki usuli mavjud: 
stratigrafik usul, paleontologik usul.