B abdullayeva, M. Usmonbayeva, O’. Asqarova, F. Ehsonova, S. Hakimov

O’zbekiston  Respublikasining  “Akademik  litsey  va  kasb-hunar  kolleji 
homiysi  to’g’risida”gi  muvaqqat  Nizomi 
–  akademik  litseylar  va  kasb-hunar 
kollejlari  homiylari  faoliyatining  tashkiliy-huquqiy,  iqtisodiy  asoslari,  faoliyat 
maqsadlarini  amalga  oshirishdagi  vakolatlarini  belgilovchi,  ular  tomonidan  o’rta 
maxsus  ta’lim  muassasalarida  DTS  talablarining  to’la  va  sifatli  bajarilishi  uchun 
homiylik qilishning huquqiy shaklini belgilovchi hujjat. Mazkur hujjat O’rta maxsus, 

---

 
251 
kasb-hunar  ta’limi  markazi  tomonidan  1998  yil  1  aprelda  tasdiqlangan.  Muvaqqat 
Nizomi quyidagi tarkibiy qismlarga ega: 1. Umumiy qoidalar. 2. Homiy. 3. Homiylik 
kengashi.  4.  Homiylik  kengashi  jamg’armasi.  5.  Homiylik  kengashining  umumiy 
yig’ilishi.  
Nizomda  ko’rsatilishicha,  homiylik  tegishli  ixtisoslikdagi  oliy  ta’lim 
muassasalarining  kasb-hunar  kollejlari  ustidan,  Fanlar  akademiyasi  institutlarining 
akademik  litseylar  ustidan  mazkur  o’quv  yurtlarida  DTS  talablarini  bajarilishida 
ishtirok  etishning  huquqiy  shakli  sanaladi.  Mazkur  Muvaqqat  Nizomi  Homiyni 
tayinlash  va  uning  faoliyatini  tashkil  etish  tartibini  belgilaydi.  Homiylar  amaldagi 
Nizomda  ko’zda  tutilgan  huquqlarga  ega  bo’lib,  belgilangan  tartibda,  homiylik 
majburiyatlarini  bajaradi.  Homiy  sifatida  oliy  o’quv  yurti,  ilmiy  muassasa  namoyon 
bo’ladi va unga belgilangan tartibda homiylik vazifasi yuklanadi.  
Akademik  litseylar  uchun  homiylikni  O’zbekiston  Respublikasi  Fanlar 
akademiyasining  institutlari  amalga  oshiradi.  Shu  sababli  O’zbekiston  Respublikasi 
Oliy va o’rta maxsus ta’lim vazirligi Respublika Fanlar akademiyasi bilan birgalikda 
har bir akademik litsey uchun homiy muassasalarni belgilaydi. Kasb-hunar kollejlari 
uchun  homiylik  yo’nalishi  jihatdan  mos  keluvchi  zamonaviy  o’quv-moddiy  baza  va 
yuqori  malakali  professor-o’qituvchilar  tarkibiga  ega  oliy  o’quv  yurtlari  tomonidan 
amalga  oshiriladi.  Oliy  va  o’rta  maxsus  ta’lim  vazirligi  har  bir  kasb-hunar  kolleji 
uchun homiy bo’lgan oliy o’quv yurtini belgilaydi. 
O’rta  maxsus  ta’lim  muassasalarining  homiylari  quyidagi  majburiyatlarni 
bajaradi:  o’quv  yurtlarining  o’quv-moddiy  bazasini  tashkil  etish  va  rivojlantirish; 
yoshlarni  chuqur  bilim  olishi,  yuqori  malakali  mutaxassis  bo’lib  yetishishi  uchun 
olimlar,  mutaxassis-pedagog  xodimlar  bilan  ta’minlash;  o’quv-tarbiya  jarayonini 
yaxshilash  va  yangi  pedagogik  texnologiyalarni  joriy  etish;  o’quv  yurti  o’quvchilari 
va  muhandis-pedagoglar  jamoasining  maishiy  turmushini  yaxshilashga  moddiy  va 
ma’naviy  yordam  ko’rsatish.  Zimmasiga  yuklatilgan  majburiyatlarni  bajarmayotgan 
homiylar amaldagi respublika qonunchiligida belgilangan tartibda homiylik faoliyati 
bilan shug’ullanishdan mahrum qilinadi.  
O’zbekiston  Respublikasining  “Kadrlar  tayyorlash  milliy  dasturi  to’g’risida”gi 
Qonuni 
– 
ta’lim  sohasini  tubdan  isloh  qilish,  uni  o’tmishdan  qolgan  mafkuraviy 
qarashlar  va  sarqitlardan  to’la  xalos  etish,  rivojlangan  demokratik  davlatlar 
darajasida,  yuksak  ma’naviy  va  axloqiy  talablarga  javob  beradigan  yuqori  malakali 
kadrlar  tayyorlash  milliy  tizimini  yaratish  maqsadini  ilgari  suradigan  qonun  hujjati. 
O’zbekiston  Respublikasining  “Kadrlar  tayyorlash  milliy  dasturi”  1997  yil  29 
avgustda qabul qilingan. Mazkur dastur talablarini ro’yobga chiqarish uch bosqichda 
amalga oshiriladi.  
“Kadrlar  tayyorlash  milliy  dasturi”  talablarini  ro’yobga  chiqarishning  birinchi 
bosqichi (1997-2001 y.y.)da mavjud kadrlar tayyorlash tizimining ijobiy salohiyatini 
saqlab  qolish  asosida  ushbu  tizimni  isloh  qilish  va  rivojlantirish  uchun  huquqiy, 
kadrlar  jihatidan,  ilmiy-uslubiy,  moliyaviy-moddiy  shart-sharoitlar  yaratish  maqsadi 
amalga  oshirilgan.  Bu  bosqichda  quyidagi  vazifalar  ijobiy  hal  qilindi:  O’zbekiston 
Respublikasining  “Ta’lim to’g’risida”gi Qonuniga muvofiq ta’lim tizimi  mazmunini 
tarkibiy qayta qurish va tubdan yangilash; pedagog, ilmiy-pedagog kadrlar tayyorlash 
hamda  ularning  malakasini  oshirishni  zamon  talablariga  javob  beradigan  darajada 

---

 
252 
tashkil  etish;  ta’lim  oluvchilarning  yuksak  tayyorgarlik  darajasi,  malakasi,  madaniy 
va  ma’naviy-axloqiy  saviyasining  sifatiga  nisbatan  qo’yiladigan  zarur  talablarni 
belgilab beruvchi DTSni yaratish va joriy etish; o’quv-uslubiy majmualarning, ta’lim 
jarayoni didaktik hamda axborot ta’minotining yangi avlodini ishlab chiqish va joriy 
etish; o’rta maxsus, kasb-hunar ta’limi uchun zarur moddiy-texnika, o’quv-uslubiy va 
kadrlar  bazasini  yaratish;  ta’lim  va  kadrlar  tayyorlashga  byujdetdan  tashqari 
mablag’lar  jalb  etishning  mexanizmlarini  takomillashtirish,  davlat  ta’lim 
muassasalari  bilan  bir  qatorda  nodavlat  ta’lim  muassasalarini  rivojlantirishni  ham 
nazarda tutgan holda ta’lim xizmati ko’rsatish sohasida raqobatga asoslangan muhitni 
vujudga  keltirish;  ta’lim  muassasalari  faoliyatiga  baho  berishning  reyting  tizimini, 
kadrlar  tayyorlash  sifati  va  ularga  bo’lgan  ehtiyojning  monitoringini  olib  borish 
tizimini  ishlab  chiqish,  joriy  etish;  xalqaro  aloqalarni  kengaytirish,  kuchaytirish, 
kadrlar  tayyorlashda  xalqaro  donorlik  tashkilotlari  va  fondlari  faoliyatiga  tegishli 
sharoitlar  yaratish,  respublika  ta’lim  sohasiga  chet  el  investitsiyalarini  jalb  etish 
bo’yicha  real  chora-tadbirlar  ishlab  chiqish,  ularni  amalga  oshirish;  “Kadrlar 
tayyorlash  Milliy  dasturi”  talablarini  ro’yobga  chiqarishning  monitoringini  olib 
borish. 
“Kadrlar  tayyorlash  milliy  dasturi”  talablarini  ro’yobga  chiqarishning  ikkinchi 
bosqichi  (2001-2005  y.y.)da  Milliy  dasturni  to’liq  ro’yobga  chiqarish,  mehnat 
bozorining  rivojlanishi,  real  ijtimoiy-iqtisodiy  sharoitlarni  hisobga  olgan  holda  unga 
aniqliklar  kiritish  maqsadi  ko’zlangan  edi.  Ushbu  bosqichda  quyidagi  vazifalar  hal 
qilindi:  majburiy  umumiy  o’rta  va  o’rta  maxsus,  kasb-hunar  ta’limiga, 
o’quvchilarning  qobiliyatlari  va  imkoniyatlariga  qarab,  tabaqalashtirilgan  ta’limga 
o’tishni  to’liq  amalga  oshirish;  ta’lim  muassasalarini  maxsus  tayyorlangan  malakali 
pedagog kadrlar bilan to’ldirishga erishish; ularning faoliyatida raqobatga asoslangan 
muhitni  vujudga  keltirish;  ta’lim  muassasalarining  moddiy-texnika  va  axborot 
bazasini  mustahkamlashni  davom  ettirish;  o’quv-tarbiya  jarayonini  yuqori  sifatli 
o’quv  adabiyotlari  va  ilg’or  pedagogik  texnologiyalar  bilan  ta’minlash;  uzluksiz 
ta’lim tizimini axborotlashtirishni amalga oshirish;  ta’lim xizmati ko’rsatish bozorini 
shakllantirish mexanizmlarini to’liq ishga solish.  
“Kadrlar  tayyorlash  milliy  dasturi”  talablarini  ro’yobga  chiqarishning  uchinchi 
bosqichi  (2005  yil  va  undan  keyingi  y.y.)da  to’plangan  tajribani  tahlil  etish, 
umumlashtirish  asosida  mamlakatni  ijtimoiy-iqtisodiy  rivojlantirish  istiqbollariga 
muvofiq  kadrlar  tayyorlash  tizimini  takomillashtirish  va  yanada  rivojlantirish 
maqsadi  amalga  oshiriladi.  Bu  bosqichda  quyidagi  vazifalar  hal  qilinadi:  ta’lim 
muassasalarining resurs, kadrlar va axborot bazalarini yanada mustahkamlash; o’quv-
tarbiya  jarayonini  yangi  o’quv-uslubiy  majmualar,  ilg’or  pedagogik  texnologiyalar 
bilan  to’liq  ta’minlash;  milliy  (elita)  oliy  ta’lim  muassasalarini  qaror  toptirish  va 
rivojlantirish;  kasb-hunar  ta’limi  muassasalarining  mustaqil  faoliyat  yuritishi  va 
o’zini o’zi boshqarish shakllarini mustahkamlash; ta’lim jarayonini axborotlashtirish, 
uzluksiz  ta’lim  tizimining  jahon  axborot tarmog’iga  ulanadigan  kompyuter  tarmog’i 
bilan to’liq qamrab olinishiga erishish.