B abdullayeva, M. Usmonbayeva, O’. Asqarova, F. Ehsonova, S. Hakimov

Aspirantura
  –  fan  nomzodi  ilmiy  darajasini  olishga  tayyorlash  maqsadida 
mutaxassis  malakasini  oshirish,  ilmiy  va  ilmiy-pedagogik  kadr  (nomzod)larni 
tayyorlash  shakli.  Oliy  o’quv  yurtlari  va  ilmiy-tekshirish  institutlarining  maxsus 
bo’limi  sifatida  faoliyat  ko’rsatadigan  aspirantura  O’zbekiston  Respublikasining 
“Ta’lim  to’g’risida”gi  Qonuniga  muvofiq  oliy  o’quv  yurtidan  keyin  magistrlik 
ma’lumoti  negizida  kamida  uch  yil  muddatda  tashkil  etiladi.  Aspiranturaga  qabul 
tanlov  asosida  tashkil  etiladi  va  talabgorlar  tegishli  fan  sohasi  bo’yicha  referat 
topshiradi  (agarda  talabgorning  ilmiy  ishlari  e’lon  qilingan  bo’lsa,  ular  qabul 

---

 
22 
Komissiyasiga taqdim etiladi). Shuningdek, ular “Informatika asoslari”,  “Falsafa va 
fanning metodologik asoslari”, chet tili (tayanch ma’lumotiga ko’ra ingl., nem., fr. va 
b. tillar), ixtisoslik fani bo’yicha kirish imtihonlarini topshiradi. Davlat mukofoti (m: 
Zulfiya  nomidagi  Davlat  mukofoti),  nomdor  (m:  Alisher  Navoiy,  Abu  Rayhon 
Beruniy,  Yahyo  G’ulomov,  Abu  Ali  ibn  Sino  va  b.  nomdagi)  stipendiyalarning 
sovrindorlari,  talabalar  fan  olimpiadalari,  “Kelajak  ovozi”  Respublika  ko’rik-
tanlovining  g’oliblari  tegishli  yo’nalish  bo’yicha  aspiranturaga  tanlovsiz  kirish 
huquqiga ega. Aspiranturaga kirish vaqtida talabgorlar ish joyidan maoshi saqlangan 
holda 30 kunlik muddatga ta’til olish huquqidan foydalanadi. Aspirant sifatida e’tirof 
etilgan  shaxslar  uch  yillik  tahsil  davomida  “Informatika  asoslari”,    “Falsafa  va 
fanning metodologik asoslari”, chet tili (tayanch ma’lumotiga ko’ra ingl., nem., fr. va 
b.  tillar),  Prezident  asarlari  va  ixtisoslik  fani  bo’yicha  nomzodlik  minimumlarini 
topshirib,  nomzodlik  dissertatsiyasini  tayyorlash  yo’lida  ilmiy  izlanishlarni  olib 
boradi.  Aspitanturani  muvaffaqiyatli  tamomlab,  nomzodlik  dissertatsiyasini  himoya 
qilgan  mutaxassis-pedagoglar  tegishli  ixtisoslik  bo’yicha  “fan  nomzodi”  ilmiy 
darajasiga ega bo’ladi.  
O’zbekiston Respublikasi Prezidentining “Oliy malakali ilmiy va ilmiy-pedagog 
kadrlarni  tayyorlash  va  attestatsiyadan  o’tkazish  tizimini  yanada  takomillashtirish 
to’g’risida”gi  (2012  yil  24  iyul)  Farmoni  va  Respublika  Vazirlar  Mahkamasining 
“Oliy  o’quv  yurtidan  keyingi  ta’lim  hamda  oliy  malakali  ilmiy  va  ilmiy-pedagog 
kadrlarni  attestatsiyadan  o’tkazish  tizimini  takomillashtirish  chora-tadbirlari 
to’g’risida”gi (2012 yil 28 dekabr) Qaroriga muvofiq aspirantura tugatilib, katta ilmiy 
xodim-izlanuvchilar instituti tashkil etildi.      
 
Astronomiya 
(yun.  “astron”  –  yulduz,  quyosh,  “nomos”  –  qonun;  o’quv  fani 
sifatida)  –  osmon  jismlari,  ular  tizimlarining  kelib  chiqishi,  tuzilishi,  harakati  va 
rivojlanishini  o’rganuvchi  o’quv  fani.  Ushbu  fan  doirasida  o’quvchilar  Quyosh, 
yulduzlar,  sayyoralar,  ularning  yo’ldoshlari,  kometalar  va  meteoritlar,  tumanlik, 
yulduzlar  tizimi,  yulduzlar  va  sayyoralar  o’rtasidagi  bo’shliqni  to’ldiruvchi 
materiyalar  to’g’risidagi  bilimlarni  o’zlashtirish  imkoniyatiga,  Koinotning  yaxlit 
tuzilishi va rivojlanishi to’g’risidagi tasavvurga ega bo’ladi.