Abduvohidov S. N., Ganiyev Z. A. Geografiya ta’limi metodikasi

 
 
Pedagogik texnologiyalarning elementlari 
Ta’lim beruvchi va ta’lim oluvchi. Ta’lim maqsadlari. Kutilayotgan 
natijalar. Ta’lim mazmuni. 
An’anaviy o‘quv jarayonida biz ko‘proq o‘qituvchining  mahoratiga  suyanib  
samaraga    erishishga    harakat    qilamiz.  Buning    uchun    esa    pedagog    ma’lum  
tajriba  orttirgan  bo‘lishi  talab  etiladi.  Pedagog  texnologiyaning  asosi  esa  
loyihalashtirishdir.  Ana  shu    aniq    loyihalashtirilgan  dastur    pedagogga    samarali  
natijaga    erishish    imkonini    tug‘diradi.  Bunday    loyihalash    asosida    ish    olib  
borayotgan    pedagog  katta  pedagogik    tajribaga    ega    bo‘lmasa-da  yuqori  
samaraga  erisha  oladi.  Biz  bilamizki,  pedagogik  texnologiya  bu,  avvalam  bor, 
aniqlikka  ega  bo‘lgan  va  qat’iy,  ilmiy  loyihalashtirilgan  jarayondir.  O‘quv 
jarayonini  tashkil  etishdagi  birinchi  qadam  bu  o‘quv  maqsadlarini  aniqlash 
hisoblanadi. Bugungi kunda biz darsning maqsadini qanday belgilaymiz? – degan 
savol,  albatta,  hammani  qiziqtiradi.  Biz  bugungi  kunda  darsning  maqsadini 
umumiy holda belgilaymiz va shuning uchun ham erishgan natijamizni baholashda 
qiynalamiz.  Bunday  umumiy  maqsadni  belgilash  pedagogik  texnologiyani 
qoniqtira  olmaydi.  Pedagogik  texnologiyalar  dars  maqsadini  belglashda  ham 
aniqlik  bo‘lishini  talab  etadi.  Aniq  maqsadlarni  belgilash  nazorat  va  baholash 
ishini  yengillashtiradi  va  bu  jarayonga  oydinlik  kiritadi.  Shuning  uchun  ham  biz 
pedagogik  texnologiyalarni  qo‘llashdagi  birinchi  qadam  bu  aniqlashtirilgan 
maqsadlarni 
ishlab 
chiqishdir, 
degan 
xulosaga 
keldik. 
Pedagogik  
texnologiyalarning    ishlanishida    asosiy    e’tibor    oxirgi    natijaga    qaratilgan  
bo‘ladi  va  quyidagi  izchillikda  ishlab  chiqiladi: 
1.  Aniqlashtirilgan    o‘quv    maqsadlarini    ishlab    chiqish  va    ularni       
guruhlarga  ajratish. 
2. O‘quv maqsadlarini nazorat ishi va test vazifalariga o‘tkazish. 
3. Maqsadga erishish yo‘lini va usullarni tanlash. 
4. Natijani  baholash  va  o‘zlashtirish  darajasini  aniqlash( 1-rasm).