Harbiy-texnik instituti m. X. Rustambayev

2-§. Takroran jinoyat sodir etish  

Jinoyatni takroran sodir etish

  –  bir xil, ba’zan esa bir turdagi 

jinoyatlardan iborat o‘ziga xos tuzilishga ega barqaror aloqalar tizimidir. 

NOTA BENE ! 

Jinoyat kodeksi Maxsus qismining aynan bir moddasida, qismida, 

Kodeksda alohida ko‘rsatilgan hollarda esa,  turli moddalarida nazarda 

tutilgan ikki yoki bir necha jinoyatni shaxs turli vaqtlarda sodir etgan, 

ammo ularning birortasi uchun ham sudlangan bo‘lmasa, 

takroran 

jinoyat 

sodir etish deb topiladi 

(JK 32-moddasi 1-qismi)

. 

 

Takroran jinoyat sodir etishning bir qancha belgilari quyidagilardir: 

– shaxs tomonidan ikki yoki undan ortiq jinoyatning sodir etilishi; 

– jinoyatning turli vaqtlarda sodir etilishi; 

–  aynan bir moddada, qismda, ba’zi hollarda esa, turli moddalarda 

nazarda tutilgan yangi jinoyatning sodir etilishi; 

–  shaxsning sodir etilgan jinoiy qilmishlaridan birortasi uchun ham 

sudlanmaganligi. 

Jinoyat qonuni ma’nosida takroran jinoyat sodir etish (umuman, bir 

qancha jinoyat sodir etish singari) bir shaxs tomonidan har biri jinoiy 

jazoga sazovor, jinoyat bo‘lmish ijtimoiy xavfli harakatlarni kamida ikki 

marta sodir etishni nazarda tutadi. Jinoyat kodeksi qator dispozitsiyalarida 

ma’muriy preyuditsiya nazarda tutilgan hollariga qaramay, harakatlardan 

353 

 

---

biri  o‘zida ma’muriy huquqbuzarlik, boshqasi jinoiy qilmish belgilarini 

aks ettiruvchi shaxs qilmishi takroran jinoyat sodir etish belgilari bo‘yicha 

kvalifikatsiya qilinishi yo‘l qo‘yib bo‘lmaydigan holatdir. Masalan, 

«Jinoyat kodeksining 183-moddasi bo‘yicha jinoiy javobgarlikka 

ma’muriy tartibda javobgarlikka tortilganidan keyin bir yil mobaynida 

monopoliyaga qarshi qonunlarni takroran buzgan shaxslar tortilishi 

lozim»

1

. Biroq, ma’muriy preyuditsiyaning mavjudligi jinoiy jazoga 

sazovor jinoyatlarning ham ma’muriy preyuditsiyasida takroran sodir 

etishni tan olish imkoni va zarurati sifatida qabul qilinishi mumkin emas.