Psixologik trening asoslari. N. Ismoilova

 
 6.3.Trenerning emotsional ta’sirchanlik qobiliyati  
Trener  o’zidagi  istak-xohishni  aniq  namoyon  qilish  orqali  ishtirokchilarni  psixogimnastik 
mashqni  boshlashga  qiziqtirishi  lozim.  Psixogimnastik  mashqni  boshlash  uchun  qilingan  taklif 
jonli,  quvnoq  tarzda  aytilishi  va  ishtirokchilarni  harakatga  keltirishi  kerak.  Guruhdan 
psixogimnastik mashqni boshlashga bo’lgan xohishini so’rash tavsiya etilmaydi, chunki ko’pchilik 
ishtirokchilar  uchun  bu  noodatiy  hoi  bo’lib,  ular  psixogimnastik  mashqga  qatnashishdan  bosh 
tortishi  mumkin.  Shuning  uchun  guruhni  tanlash  imkoniyati  (ya’ni  "xohlasangiz  qatnashing, 
xohlamasangiz  o’ynamasligingiz  mumkin"  kabi  vaziyatijda  qoldirmaslik  kerak.  "Albatta 
o’ynaymiz" degan qaror — yagona qaror bo’lishi kerak! 
Trener  psixogimnastik  mashqlarni  o’tkazish  va  uning  samaradorligiga  erishish  uchun  yana 
quyidagilami ham bilishi lozim. 
Psixogimnastik  mashqning  jadalligi  va  sur’ati.  Trener  psixogimnastik  mashqning  borishini, 
uning  jadalligi  va  sur’atini  ham  aniqlab  olishi  muhimdir.  Agar  psixogimnastik  mashq  cho’zilib 
ketadigan  bo’lsa,  uni  tezlatishga,  ishtirokchilarni  qiziqtirish  uchun  esa  mashqni  ko’tarinki  ruhda 
tugatishga harakat qilish zarur. 
Qiziqtirish  va  sirlitik  (mashqqa  jalb  qilish).  Ba’zi  hollarda  trener  psixogimnastik  mashqni 
boshlashdan  va  mashq  qoidalarini  tushuntirishdan  oldin  ishtirokchilarni  qiziqtirish  uchun  ularga 
hozir  qiziqarli  mashq  o’tkazilishini,  ular  bunday  mashqni  hech  qachon  bajarmaganliklarini  sirli 
tarzda ta’kidlashi maqsadga muvofiqdir. 
Bahslashish (Musobaqalashish) Kattalarda ham va bolalar ruhiyatida ham musobaqalashishga 
bo’lgan  moyillik  kuzatiladi.  Ana  shu  moyillikdan  foydalangan  holda  trener  ishtirokchilarda 
psixogimnastik  mashqga  xos  kayfiyatni  vujudga  keltirish  uchun  guruhlar  o’rtasida  raqobat  hissini 
uyg‘otishi  yaxshi  natija  beradi.  Masalan,  "Qayta  qurish",  "Mumyo”  yoki  "Minora"  kabi 
psixogimnastik mashqlarda, agar trener topshiriqni musobaqa holatida tashkil qila olsa, (ya’ni "qani 
qaysi guruh tezroq bajaradi?"ga o'xshagan ko‘rinishlarda bersa), psixogimnastik mashq jadalroq va 
qiziqarliroq  o'tadi.  Albatta,  barcha  psixogimnastik  mashqlarda  bu  taktikani  qoTlash  maqsadga 
muvofiq emas, biroq o‘rni kelganda foydalanish yaxshi natija beradi.