Microsoft Word qabrdan maktub ziyouz com doc

 

 

Ibratli maktublar mohiyati 

 

Odamzodni turli fisqu-fujurlardan, yomonlik va har xil tubanliklardan qaytarish eng ulug‘ 

savob ishlardan sanaladi. Bu dunyoda umr kechirayotgan to‘rt muchasi sog‘lom kimsa 

boshiga xastalik kelmasa, o‘z vujudiga nazar tashlamaydi. Musibatlarni, ayniqsa, har 

kimning boshiga albatta keladigan o‘lim sababini o‘z jigarbandlari vositasida sezmasa, 

uning mohiyatini anglamaydi. 

 

O’lim - haq. Qabr hayoti - haq. Savol-javob bo‘lishi ham, amallarning hisob-kitob 

qilinishi ham, qayta tirilish ham haqdir. Qiyomat kuniga qadar bu olamdan ko‘z yumib 

vafot qilgan bandani ne-ne sinovlar kutib turibdi. O’lgan odamning qabrdagi, oxirat 

kunidagi holati yuzasidan nozil bo‘lgan oyatlar, Payg‘ambarimiz sollallohu alayhi 

vasallamdan hadislar bor. O’sha hodisotni his qilish unga tayyorgarlikka olib keladi. Aniq 

anglash va his qilish e’tiboridan Abdulloh Sevinch tomonidan vafot etib ketgan bolaning 

onasiga yozgan maktub uslubida ta’lif qilingan ushbu kitoblar shu jihatdan muhimdir. U 

dunyodan maktub yozish, maktub vositasida banda boshiga keladigan kunlardan ogoh 

qilish o‘ziga xos go‘zal uslub. Zotan, dunyo adabiyotida bu vositadan foydalanish hollari 

uchraydi. Umuman, epostolyar, ya’ni maktub janrining o‘ziga xos qiymatli jihati 

shundaki, yozayotgan kimsa o‘z ruhiy holatini, kayfiyatini, voqelikka individual 

munosabatini bildirish imkoniga ega bo‘ladi. «Qabrdan maktub», «Oxiratdan maktub» 

deb nomlangan kitobchalar mazmun-mohiyati maktub muallifining ma’naviy-ruhiy 

olamida kechayotgan jarayonlarni anglash uchun ham muhimdir. Bugina emas, eng 

---

Qabrdan maktub. Abdulloh Sevinch 

 

 

www.ziyouz.com kutubxonasi 

2

asosiysi - qalamga olingan barcha fikr-mulohazalar mustahkam zaminga, ya’ni oyat va 

hadislarga tayanadi. Maktub matnidagi har bir tanbihot yoki ogohlantirishning asosi 

manbalarda, izohda batafsil keltirib o‘tiladi. Umuman, go‘zal va ezgu amallarga chorlab, 

har qanday tubanliklardan xalos bo‘lishga undovchi bitiklar o‘quvchiga jiddiy ta’sir qiladi, 

deb o‘ylayman.