F. I. Salomova Bilim sohasi: 500000 – “Ijtimoiy ta’minot va sog’liqni saqlash” Ta’lim sohasi: 510000 – “Sog’liqni saqlash”

1.2. Ekologiyasi va tibbiy ekologiya haqida tushuncha.

 

Insoniyatning  jadal  tarzdagi  xo’jalik  faoliyati  bizning  planetamizda 

mustahkam  negativ  o’zgarishlarni,  xususan  iqlim  sharoitlarining  o’zgarishi, 

atmosferadagi  ozon  qatlamining  yemirilishi,  butun  biosferaning  ifloslanishi,  ayrim 

geografik  joylardagi  yer  sathining  cho’l  zonalarga  aylanishi  va  tuproqning  kuchli 

sho’rlanib  ketishi,  o’rmonzorlarga  yetadigan  talofatlar,  ko’pgina  o’simlik  va 

hayvonat  dunyosi  turlarini  yo’qolib  ketishiga  sababchi  ekanligi  nomoyon  bo`lib 

qoldi.  Bunday  vaziyatdagi  eng  nomuvofiq  oqibat  shundan  iboratki,  yuzaga  kelgan 

tashqi muhitdagi har bir o’zgarish inson organizmiga to’g’ridan-to’g’ri yoki qiyosiy 

tarzda salbiy ta’sir ko’rsatadi. Insoniyat esa ana shu murakkab ekologik muammolar 

piramidasining eng cho’qqisida turadi. Bu vaziyat ekologiyaning yangi bir sohasi - 

inson ekologiyasi - sohasini shakllanishiga turtki bo’ldi. Inson ekologiyasi - umumiy 

ekologik  sistemaning  bir  bo’lagi  bo’lib,  u  insoniyat  bilan  tabiatning  o’zaro 

munosabati  jarayonlarini  o’rganish  vazifasini  bajaradi.  Inson  ekologiyasi  ham  o’z 

o’rnida ko’pgina jihatlari bilan farqlanib, ular ichida eng ahamiyatlisi tibbiyotga oid 

ekologiya  hisoblanadi.  Bu  soha  odam  organizmi  bilan  o’zgarib  turuvchi  atrof 

muhitning  ta’sirini  va  o’zaro  ta’sirini  o’rganadi.  Tibbiyotga  doir  ekologiya 

ko’pincha  odam  organizmi  uchun  zarur  bo’lgan  atrof  muhitning  tabiiy  holatini  va 

ifloslanib  borishini  tekshiradi.  Albatta  bu  noto’g’ri,  chunki  "ekologiya"  so’zining 

o’zi  butun  borliqdagi  jonli  va  jonsiz  tabiat  o’rtasidagi  o’zaro  bog’liqlikni 

o’rganuvchi  ta’limotdir.  Odam  esa  -  shu  jonli  tabiatning  bir  qismi,  shuning  uchun 

inson  ekologiyasi  va  shu  jumladan  tibbiy  ekologiya  atrof  muhitda  bor  bo’lgan 

barcha omillarni hisobga olishi kerak, chunki har qanday holda ham ana shu omillar 

oxir oqibatda odam organizmiga o’z ta’sirini ko’rsatadi. 

   Shunday  qilib,  tibbiy  ekologiya  -  bu  ITT  ta’sirida  o’zgarishga  uchragan  tashqi 

muhit  omillarining  yig’indisini  odam  organizmiga  ta’siri  haqidagi  ta’limotdir. 

---

 

23 

 

Tibbiy  ekologiya  shu  bilan  birga  inson  populyatsiyasi  salomatligidagi 

ko’rsatkichlarning  o’zgarishini  ham  o’rganuvchi  fandir.  Yaqin  davrlargacha  tibbiy 

ekologiya  masalalari  asosan  gigiyena

 

sohasiga  doir  mutaxassislarning  diqqat 

e’tiboridagina  bo’lgan  bo’lib  va  o’z  yo’nalishini  atrof  muhitdagi  ksenobiotiklarni 

gigiyenik  reglamentlashtirish  masalalarigagina  qaratgan edi. Ammo,  oxirgi  yillarda 

atrof muhitning salbiy ta’sirlariga o’z e’tiborini qaratmagan tibbiyot sohasi qolmadi 

desak mubolag’a bo’lmaydi. Har qanday kasallikning kelib chiqishi, kechishi, klinik 

belgilarining turli - tumanligi va hattoki kasalliklarnin davolashda ham ana shu atrof 

muhitdagi omillarning ta’siri qiziqilmagan va o’rganilmagan bo’lsin. 

    Tibbiy  ekologiyaning  rivojlanish  tarixiga  nazar  solsak,  uning  bir  nechta 

bosqichda  taraqqiy  etganligini  ajratish  mumkin  bo’ladi.  XIX  asrning  oxiri  va  XX 

asrning  boshlari  ITTning  boshlang’ich  davri  bo’lib,  davlatlarda  iqtisodiy 

taraqqiyotning  keskin  ko’tarilishi,  fandagi  eng  yangi  yutuqlarning  tezlikda 

o’zlashtirib olinishi fonida ITT - ning inson organizmiga negativ ta’siri - nonsens - 

ya’ni  g’ayritabiiy-dek  tuyulgan  edi.  Atrof  muhitdagi  o’zgarishlardan  olingan 

natijalarning  to’planib  borishi  bilan  ularning  inson  organizmiga,  salomatlik 

ko’rsatkichlariga salbiy ta’siri kundan-kunga yaqqolroq namoyon bo’laboshladi. Bu 

holat ko’p jihatdan biosferaning kimyoviy ifloslanishiga taalluqlidir. 

     50-yillarning oxiri, 60-yillarning boshida ommaviy axborot vositalari sahifalari 

va  ma’lumotlarida  biosferaning  kimyoviy  tarkibiga  antropogen  ta’sirning  katta 

hajmlarda  va  turli-tumanligi  haqida  ko’plab  maqolalar  yuzaga  kelaboshladi.  Ilmiy 

biologik  adabiyotlarda  esa,  iflosliklarning  tirik  ob’ektlarga,  shu  jumladan  odam 

organizmiga zararli va zaharli ta’sir etish mumkinligi bayon qilinaboshlandi. 

     Bu  davr  uchun  shu  narsa  juda  harakterli  ediki,  tibbiy  yo’nalish  asosan  har  bir 

yangi  ksenobiotikka  toksikologik  baho  berishga  o’z  diqqat  e’tiborini  qaratgan, 

bunda  yangi ksenobiotik  uchun  birinchi navbatda atmosfera  havosi,  ishchi  zonalari 

havosi,  havzalardagi  suv  uchun  gigiyenik  reglamentlar  ishlab  chiqish  talab  etilgan. 

Bu  davrda  inson  organizmiga  u  yoki  bu  kimyoviy  moddaning  alohida  ta’siri 

kamdan-kam  bo’ladigan  hodisa  ekanligi,  amalda  esa  birqancha  ksenobiotiklarning 

---

 

24 

 

kompleks  holda  yoki  tabiiy  muhitdagi  boshqa  omillar  bilan  birgalikda  ta’sir 

ko’rsatish mumkinligi hisobga olingan emas. 

    ITT  bu  davrda  o’z  diqqat-e’tiborini  korxonalar  qudratini  yanada  o’stirishga, 

ularning  sonini  ko’paytirishga  qaratganligi  bilan  harakterlanib,  atrof  muhitni 

tanazzulga  yuz  tutayotganligi  aniq  bo’lsa  ham,  ITT-ning  atrof  muhitga  negativ 

ta’siri  bilan  kurashuvchi  asosiy  tadbirni  tabiatning  o’z  imkoniyatiga  ishonib 

qo’yilgan. Go’yoki tabiat tashqi muhitga chiqarilayotgan barcha iflosliklarni ma’lum 

darajada  suyultiraoladi  yoki  bo’lmasa,  iflosliklar  o’z-o’zidan  tozalanishi  orqali 

yo’qolib ketishi mumkin degan xom hayollarga borilgan. 

   Shu  bilan  bir  vaqtda  bu  davrda  biosferaning  yuqori  darajadagi  ifloslanishi  va 

uning  odam  organizmiga  zaharli  ta’siri qoida ko’rinishida  emas, balki istisno  ya’ni 

ta’sir  etishi  mumkin  sifatida  qaralgan.  Ammo,  kam  intensivlikka  ega  bo’lgan 

omillarning ta’sir samarasi organizm uchun muhimroq deb tahmin qilingan, shuning 

uchun  70-  yillarda  tibbiy  xodimlar  va  biologlar  ichida  ksenobiotiklarning  zaharli 

tas’irini  bilvosita  ta’sir  oqibatlari  orqali  kelib  chiqadigan  o’zgarishlarga  e’tibor 

qaratish  tushunchasi  mavjud  bo’lgan.  Jumladan,  70-yillarda  mamlakatimizda 

chiqariladigan adabiyotlarda shu sohaga taalluqli bo’lgan juda ko’p ilmiy maqolalar 

chop  etilgan  bo’lib,  ekzogen  ta’sir  etuvchi  kimyoviy  moddalar  subtoksik  ta’sir 

etganda  organizmning  himoyalanish  xususiyatlarini  pasayishi,  autoimmunologik 

jarayonlarning  shakllanishini  ko’rsatuvchi  ma’lumotlarning  mavjudligi  bundan 

dalolat beradi. 

     Shu  davrda  ksenobiotklarning  spetsifik  ta’sir  etish  xususiyatlari  ham  ayon 

bo’laboshladi,  chunonchi  juda  kichik  dozalardagi  ta’sir  ham  organizmda  uzoq 

muddat  davomidan  so’ng  allergik  holatlarni  yuzaga  keltirishi,  hamda  mutagen, 

kantserogen,  teratogen  va  hattoki  embriotoksik  ta’sir  oqibatlariga  ega  ekanligi 

haqidagi  ma’lumotlar  yuzaga  keldi.  Aytib  o’tilganlarga  bog’liq  ravishda 

gigiyenistlarning asosiy diqqat e’tibori antropogen kimyoviy moddalarning ta’sirini 

faqat laboratoriya hayvonlarida tekshirib ko’rilganligi, mutloq qonuniy bir holdir. 

---

 

25 

 

    80-90-yillarda  esa  olib  borilgan  ilmiy  tekshirishlar  atrof  muhitning  ifloslanishi 

bilan  organizm  o’rtasidagi  turli-tuman  patologik  holatlar  orasidagi  o’zaro 

bog’liqlikka  qaratilgan  va  ko’pchilik  ilmiy  izlanish  natijalarida  haqiqatan  ham 

bunday bog’liqlikning bor ekanligini tasdiqlagan. Buning ajablanarli joyi yo’q, axir 

organizm bir butun va uning biron bir qismidagi o’zgarish so’zsiz butun organizmga 

ta’sir ko’rsatadi. 

     Yangi  yuz  yillikning  boshlanishi  va  insoniyatning  yangi  ming  yilligi  atrof 

muhitning  sezilarli  o’zgarishlarga  uchrashi  davri  bo’lib  ta’riflanadi.  Xususan 

biosferaning kimyoviy, fizikaviy, biologik ifloslanishi faqatgina ishlab chiqarishning 

intensifikatsiyasi, transport vositalarining rivojlanishi, aviatsiyaning takomillashishi, 

qishloq  xo’jaligining  mexanizatsiyalashtirilishigina  emas,  balki  turli  ko’rinishdagi 

avariyali  hodisalarning  ortishi,  halokat  va  fojialar,  hamda  ijtimoiy  zarbalarning 

ta’siri  ham  jiddiy  tarzda  kuchayadi.  Bunday  o’zgarishlarning  darajasi  bizga  inson 

organizmi uchun xavfli bo’lgan bir qator ta’riflarni alohida ajratishga imkon beradi: 

    1 – avariyaga doir vaziyatli zonalarning paydo bo’lishi 

    2  -ekologik  halokatli  va  falokatli  zonalar,  bu  zonalar  uchun  u  yoki  bu  xildagi 

omilning ruxsat etilgan gigiyenik reglamentlaridan ortiq darajalari harakterlidir. 

    3-  qolgan  barcha  hududlar  -  bu  yerlarda  atrof  muhitning  o’zgarishi  kichik 

jadallikdagi omillarning ta’siri kabi ta’riflanishi mumkin. 

    Hozirgi kungacha to’plangan materiallar odam organizmi uchun atrof muhitning 

o’zgarishidagi  tutgan  o’rni  so’zsiz  ravishda  quyidagi  xulosalarni  chiqarishga  asos 

bo’la oladi: 

   1.Avariyali  vaziyatli  mintaqalarda  faqatgina  sog’lik  uchun  to’g’ridan-to’g’ri 

xavf-xatargina emas, balki aholining ko’pchilik qismining hayotiga ham jiddiy xavf 

yuzaga  keladi.  Bunday  vaziyatlarga  misol  qilib  1986  yildagi  Chernobil  AES  dagi 

avariya  hodisasini,  1981  yildagi  Xindistonning  Bxopal  shahridagi  kimyo 

korxonasida  sodir  bo’lgan  avariyani  keltirish  mumkin.  Bu  avariyalar  oqibatida 

yuzlab va minglab odamlar u yoki bu darajadagi jarohatlanishlarni olibgina qolmay, 

hattoki ko’plab insonlarning fojiali o’limlari sodir bo’ldi.  

---

 

26 

 

   2.Ekologik  falokatli  zonalarda  atrof  muhitni  kuchli  antropogen  pressingi  tufayli 

ifloslanish  kuzatilib,  ifloslanish  darajasi  yuqori  bo’lishi  bilan  odamlar  o’rtasida 

o’tkir  zaharlanish  va  zararlanishlarni  chaqirmaydi.  Shunga  qaramasdan  aynan  shu 

ifloslanishlar  bilan  bog’liq  bo’lgan  holatlar  -  organizmning  himoyalanish 

quvvatining  pasayishi,  bolalar  va  o’smirlar  organizmida  jismoniy  rivojlanish 

ko’rsatkichlarining  pasayishi,  immunitetga  bog’liq  kasalliklarning  ko’payishi,  qon 

va  qon  ishlab  chiqarish  organlari  kasalliklarining  ortishi,  ayollar  organizmida 

farzand  ko’rish  faoliyatining  izdan  chiqishi  ko’payadi.  Shunday  vaziyatga  bog’liq 

holda  O’zbekistonda  ekologik  xavfli  va  halokatli  regionlar  qatoriga  Orol  va  Orol 

oldi  mintaqalari,  Olmaliq  shahri  va  uning  atrof  zonalari,  Chirchiq  shahrining 

janubiy-g’arb tomonlari, Angren shahrining g’arbiy tomonini ko’rsatish mumkin. 

   3.Yuqorida  qayd  qilinganidek  boshqa  hududlardagi  ekologik  omillar  kam 

jadallikka  ega  bo’lgan  omillar  qatorida  baholanishi  mumkin.  Ammo,  odam 

organizmi  uchun  ularning  ta’siri  befarq  deb  baholash  xato  bo’lur  edi,  negaki 

ularning  ta’siri  yillar  davomida  davom  etadi.  Bundan  tashqari,  kam  jadallikka  ega 

bo’lgan  bitta  emas,  balki  bir  qancha  omillarning  ta’siri  kompleks  ko’rinishda 

bo’ladi.  Ana  shu  omillar  ta’sirining  qo’shilib  ketishi  va  negativ  oqibatlarining 

birgalikda 

kuchayishi 

natijasida 

aholining 

salomatlik 

ko’rsatkichlarida 

me’yordagidan  anchagina  siljishlari  namoyon  bo’ladi.  Organizmga  kam  jadallikka 

ega bo’lgan omillarning ta’siri haqidagi ma’lumotlar xozirgi kunda juda ko’p bo’lib, 

shunday ta’sirning qonuniy ekanligidan dalolat beradi, chunonchi: 

 -kam  jadallikka  ega  bo’lgan  omillarning  ta’siri  fazaviy  harakterga  egadir,  mas., 

ksenobiotiklar  kichik  dozalarda  qisqa  muddatli  ta’sir  etganda  organizmning 

immunobiologik  reaktivligini  kuchaytiradi  (stimullaydi).  Uzoq  muddatli  (yillar, 

oylar)  ta’sir  etganda  esa,  organizmning  reaktivligi  avval  pasayadi  ya’ni  birlamchi 

darajalargacha,  keyinchalik  ta’sir  davom  etaveradigan  bo’lsa,  organizmning 

himoyalanish  xususiyati  subnormal  qiymatlargacha  pasayib  ketadi.  Shuning  uchun 

ko’pgina  yirik  sanoat  shaharlarida  immunitetga  bog’liq  bo’lgan  kasalliklarning 

yuqori darajalarda ekanligi tasodifiy emas. 

---

 

27 

 

   Kam  jadallikka  ega  bo’lgan  omillarning  fazaviy  ta’siri  faqatgina  organizmning 

immun  sistemasidagina  namoyon  bo’lmay,  balki  endokrin  sistemasiga  va  bolalar 

hamda o’smirlarning jismoniy rivojlanish ko’rsatkichlarida ham o’z aksini beradi. 

-kam  jadallikka  ega  bo’lgan  omillarning  organizmga  uzoq  muddatli  ta’siri,  uzoq 

muddatdan  so’ng  kuzatiladigan  kasallik  holatlarining  ortishiga  sababchi  bo’ladi, 

jumladan  mutagenli  ta’sir  samarasi  va  xavfli  o’sma  kasalliklarining  kelib  chiqish 

ehtimoli  shular  jumlasidandir.  Jahon  sog’liqni  saqlash  tashkiloti  MAIR  guruhining 

ma’lumotlari bo’yicha 80% dagi xavfli o’sma kasalliklar tashqi muhit omillarining 

ta’siriga  bog’liq,  shu  bilan  birga  ularning  chorak  qismi  -  atrof  muhitni  kimyoviy 

ifloslanishiga  bog’liqdir.  Bolalar  va  kattalar  organizmida  ayrim  turdagi  boshqa 

kasalliklarning  ko’payishiga  kam  jadallikka  ega  bo’lgan  omillarning  genetik 

kodning jarohatlashi natijasi deb aytishimizga asos bordir. 

Ekologiya bilan bog’liq bo’lgan muammolar kompleks hisoblanadi va uning 

tutgan rolini baholash uchun, atrof muhitning hozirgi holatini va uning insoniyatning 

hayoti  va  faoliyatiga  ta’sirini  aniq  tafakkurlash  uchun  biosferaga  antropogen 

tasirotlarining hamma tomonlarini aniq o’rganishni taqozo etadi.