O‘zmu xabarlari Вестник нууз acta nuuz

Мавзуга 
оид 
адабиётларнинг 
таҳлили 
(Literature review).
Авлод – маълум бир тарихий даврда 
шаклланиш ва фаолият юритишнинг умумий шартлари ва 
ёш 
чегаралари 
билан 
бирлаштирилган, 
объектив 
шаклланадиган, одамларнинг ижтимоий-демографик ва 
маданий-тарихий бирлашмасидир[9]. Авлоднинг ўз 
чегаралари бор (15 ёшдан 30 ёшгача), технологик жараён 
ривожлангани сари бу интервал аста-секин камайиб 
боради. Шу билан бирга уч авлод мавжуд: болалар, етук 
одамлар ва кексалар, шунинг учун Х.Ортега-и-Гассетнинг 
фикрига кўра, учта параллель равишда мавжуд ҳақиқат ва 
турмуш тарзи ҳақида гапириш тўғри бўлади[10]. Бир 
авлод вакилларини қуйидаги типологик хусусиятлар 
бирлаштиради: маълум бир тарихий даврда бир вақтнинг 
ўзида яшаш, ўхшаш шароитларда ижтимоийлашув, ёш, 
турмуш тарзи, фаолият характери, мафкуравий эътиқод ва 
қадрият тушунчалари бўйича яқинлик. 
Жамиятнинг 
тарихий 
ривожланишининг 
яхлитлигини таъминлашнинг муҳим шарти –авлодларнинг 
давомийлиги. Катта авлод ҳаётий тажриба ва зарур 
ижтимоий маълумотларни тўплаб, уларни ёшларга 
топширадилар. Бироқ ёш авлод барча қадриятларни, 
принципларни, 
идеалларни, 
катталарнинг 
фаолият 
усулларини қабул қилмайдилар, баъзилари қатъиян рад 
этилади. Авлодлар тафаккури ва хатти-ҳаракатларини 
белгиловчи омил – бу ёш эмас, балки инсоннинг 
ижтимоийлаштирилган муҳити, шунингдек оиладаги 
тарбия нормаларидир[5]. Уларнинг таъсири остида ҳам 
шахс, ҳам бутун авлоднинг хулқ-атворини тартибга 
солувчи асосий қадриятлар шаклланади. Шунинг учун 
турли авлод вакиллари баъзан қарама-қарши қадриятларга 
амал қиладилар, бу эса зиддият ва низоларга сабаб 
бўлади. 
Мамлакатни 
ижтимоий 
ўзгартириш, 
давлат 
ислоҳоти ва модернизация қилиш даврларида авлодлар 
муаммоси янада чуқурлашади. Олдинги авлодларнинг 
қадриятлари, ғоялари ва кўникмалари ҳақиқатга зид 
келади, ёш авлод “янги эҳтиёжларни ифода этувчи янги 
интилишларнинг ташувчиси”га айланади. “Оталар” ва 
“болалар” ўртасидаги мураккаб муносабатлар авлодлар