Тошкент-2021 3 Апрель 2021 10-қисм Тошкент апрель 2021 йил. Тошкент: «Tadqiqot»

Annotaciya:
Bul maqalada búgingi kúnde pútkil dún’ya júzlik pandemiya sharayatında kún 
sayın globallasıp kiyatırǵan oqıtıwdıń jańa usılı, aralıqtan oqıtıw usılı haqqında aytıladı. Internet 
tarmaǵı arqalı hár qıylı tarawlar boyınsha oqıw kursları, MOOC (Massive open online courses) - 
kópshilik ashıq onlayn kurslar payda boldı. «INTUIT» Milliy ashıq universitetiniń veb-saytı arqalı 
aralıqtan oqıtıw xızmetlerin kóplegen informaciya texnologiyaları menen baylanıslı bolǵan bir 
qansha tálim programmaların usınıs etiwshi shólkem haqqında sóz etiledi.
Házirgi kúnde internet múmkinshiliklerinen paydalanǵan halda úyden sırtqa shıqpastan 
dúnyanıń abıraylı universitetlerinde sapalı bilim alıw múmkinshiligi payda boldı. Bul bolsa tálim 
paradigmasın ózgeriwine alıp keldi.
Buǵan MOOC (Massive open online courses) - kópshilik ashıq onlayn kurslardıń payda bolıwı 
sebep boldı.
MOOC (Massive open online courses) – kópshilik ashıq online kurslar bolıp, interaktiv usıllardan 
paydalanǵan halda tayarlanǵan hám Internet tarmaǵında ashıq halda jaylastırılǵan tálim kursına 
aytıladı. Kópshilik ashıq onlayn kurslardı tez hám keń tarqalıwı olarǵa dúnya tálim bazarında talap 
bar ekenliginen derek beredi.
KAOK arqalı joqarı oqıw ornına kiretuǵın abiturientler, kollej oqıwshıları, joqarı oqıw ornı 
studentleri, joqarı oqıw ornı professor-oqıtıwshıları, ózbetinshe izertlewshiler paydalanıwı 
múmkin. Abiturientler joqarı oqıw ornına kiriw imtixanları bar bolǵan pánlerden KAOK menen 
usınıs etilgen kurslar arqalı biypul bilim alıwları múmkin.
Atap aytqanda, Khan Academy (https://ru.khanacademy.org/)arqalı matematika, fizika, 
biologiya, ximiya, informatika hám basqa pánler boyınsha video-lekciyalar arqalı “nolden” baslap 
tereń bilimge iye bolıw múmkin. Sonıń menen birge, https://www.udemy.com saytında ózbek 
tilinde óz betinshe úyreniwshiler ushın matematikadan video sabaqlar berilgen bolıp, https://www. 
udemy.com arqalı kursdı biypul úyreniw múmkin.
Sonıń menen birge, joqarı tálim sistemasında belgili máseleler bar bolıp, bul máselelerdi 
barlıǵın kópshilik ashıq online kurslar arqalı sheshiw múmkin. Atap aytqanda:
• Shet el joqarı tálim mákemelerinde professor-oqıtıwshılardıń joqarı reytingdegi shet el 
joqarı tálim mákemesinde mamanlıǵın asırıw máselesi;
• Eń joqarı reytingdegi shet el joqarı tálim mákemesinde studentlerdi oqıtıw máselesi;
• Joqarı sapalı, básekege shıdamlı kadrlardı tayarlaw máselesi;
• Eń joqarı reytingdegi shet el joqarı tálim mákemesinde oqıtılıp atırǵan pánlerdi jergilikli 
joqarı tálim mákemelerine engiziw máselesi;
• Jańa kiritilgen pánler boyınsha oqıw komplekslerdi qáliplestiriw máselesi;
• Qánigelik pánlerdiń shet tillerinde oqıtıw máselesi;
• Studentlerdiń ózbetinshe jumısların shólkemlestiriw máselesi.
1. Informatikanı oqıtıwda júdá kóp MOOC lar bar. Bularǵa mısal etip INTUIT, Coursera, 
Udemy, Khan Academy, Udacity, Edx, Alison, Saylor hám basqa MOOC larni keltiriwge boladı. 
Endi biz informatikanı oqıtıwda MOOC lardan INTUIT ni kórip shıǵamız.

---

70