Ўзбекистон республикаси олий ва ўрта махсус таълим вазирлиги самарқанд иқтисодиёт ва сервис

Таълим. Аҳолининг туристик фаоллиги тўғридан – тўғри 
салоҳиятли истеъмолчиларнинг таълим даражаси билан боғлиқ. 
Таълим одамларни қизиқишини кенгайтиради ва шу сабабли 
туризмга таъсир килади. Ўрта маълумотли одамлар кўнгилочар 
саёҳатларни афзал кўрадилар. Олий маълумотли одамлар эса 
кўпрок саёҳат қилишга моликдирлар. Бу тоифадаги аҳолида юқори 
даражада даромад манбаи бўлиб, саёҳат чоғида асосий 
ҳаракатланиш 
воситаси 
сифатида 
авиатранспортни 
афзал 
кўрадилар. 
Касб. Туризм товар ва хизматларининг ҳаридига туристнинг 
қандай касб билан шуғулланиши маълум маънода таъсир 
кўрсатади. Идораларда ишловчилар, хизматчиларга нисбатан 
кўпрок саёҳат киладилар. Лекин йил мобайнида кўпрок саёҳатни 
менеджерлар, банк ходимлари ва бошқарув аппарати ходимлари 
амалга оширадилар. Туристик фирмалар машғулот турлари буйича 
гуруҳларни аниқлаб олишга ҳаракат киладилар. Баъзи бир туристик 
фирмалар аниқ бир касб гуруҳлари учун махсус товар ва 
хизматларни ишлаб чиқаришга ихтисослаштирилганлар.
Ирқи. Ўзбекистон кўп миллатли республика. Маълум бир 
миллат ва ирқнинг камлиги ҳам туризм хизматларининг салоҳиятли 
истеъмолчиларидир. Аҳолининг бу қисми ўзларининг миллий 
анъаналари, маданияти ва урф- одатларига эга. Бу гуруҳ 
одамларида маҳаллий аҳолидан фарқли равишда ҳарид қобилияти 
ўзига хос бўлади. Бу гуруҳдаги салоҳиятли истеъмолчилар ўзларига 
алоҳида махсус ёндашишни ва махсуслашган маркетинг дастурини 
бўлишини талаб килади. 
Жинси. Ўзбекистон аҳолиси таркибида аёллар 51 % ни 
ташкил қилади. Бундан ташқари доимо усувчи ижтимоий, 
иқтисодий ва сиёсий жабҳаларда аёлларнинг роли ошиб бормоқда. 

---

34 
Бу омиллар аёлларни туризм бозоридаги асосий сегментга 
айлантирмокда. 
Ўзбекистонда ишловчи аёллардан кўра уй бекалари кўп. 
Ишловчи аёллар кўп холларда юқори даромадларга эга ва шу 
сабабли оилада қўшимча даромад бўлиши туфайли саёҳатларга 
етарли пул маблағлари бўлади. 
Ишлаётган аёллар орасида карьерага қизиқувчи аёллар 
турфирма учун анча истиқболлидир. Шу сабабли жинсларнинг 
ижтимоий ролида ўзгаришлар содир бўлмоқда ва бу истеъмолчилар 
ҳаракатидаги ўзгаришларга олиб келмокда.