Pedagogika 015, 2-son Muassis: Nizomiy

PEDAGOGIKA
2015, 2-son
 
 
69 
­ o‘quvchilar bajaradigan ishlarning qiziqarli natijalar va xulosalar bilan 
yakunlanishiga sharoit yaratish; 
­ agar tayyorlangan veb-materialda elektron pochta manzili berilgan 
bo‘lsa, qayta aloqa orqali auditoriyadan tashqari o‘quvchilar (tomoshabinlar)dan
rag‘batlantirish olishiga imkoniyat yaratiladi.
Mazkur sohada ish olib borgan tadqiqotchilar tomonidan turli sinf 
o‘quvchilari bilan mustaqil ishlash uchun bir necha veb-kvestlar yaratilgan 
(ChinaQuest, MayaQuest, EuropeanQuest and Japanese Middle Age Hisroty in 
Comparison va boshqalar).
Ta’limiy veb-kvestlar – (webquest) – rolli o‘yin elementlari bilan 
boyitilgan, internet axborot resurslaridan foydalanib bajariladigan muammoli 
topshiriqlardan iborat.
Veb-kvest – bu internet sayti bo‘lib, u yoki bu o‘quv topshiriqlarini 
bajarish uchun o‘quvchilar unda ishlaydi. 
Berni Dodjem veb-kvestlar uchun quyidagi ko‘rinishdagi topshiriqlarni 
tavsiya etgan: 
1. Bayon etish – mavzuga oid turli manbalardan foydalanib yig‘ilgan 
ma’lumotlarni yangi ko‘rinishda: taqdimotlar tayyorlash, plakatlar, bayon etish 
orqali namoyish etish va tushuntirish.
2. Rejalashtirish va loyihalash – topshiriqlar asosida reja va loyiha ishlab 
chiqish. 
3. O‘z-o‘zini bilish – shaxsni har tomonlama tadqiq etish. 
4. Kompilyatsiya – turli manbalardan olingan (virtual ko‘rgazma, elektron 
qo‘llanma va hokazolar) turli ko‘rinishdagi axborotlarni ko‘chirish.
5. Ijodiy topshiriqlar – mavzu mazmuniga oid ijodiy ishlar olib borish.
6. Tahliliy topshiriqlar – ma’lumotni qidirish va tizimlashtirish. 
7. Detektiv, boshqotirma, sirli hodisa – qarama-qarshi dalillar asosida 
xulosalar chiqarish. 
8. Konsensusga erishish-qiyin muammoni hal etish yo‘llarini ishlab 
chiqish.
9. Baholash – aniqlangan nuqtayi nazardan asoslash
1
. 
Veb-kvest quyidagicha tuzilishi mumkin: 
­ 
birinchidan, qaysidir mavzu o‘rganilayotganda, o‘qituvchi keng 
ko‘lamdagi axborotlarni internet manbadan ishga soladi; 
­ ikkinchidan, veb-kvestni bajarayotganda o‘zi yakka yoki jamoada 
ishlayotganligidan qat’i nazar, talaba o‘zi uchun qulay bo‘lgan tempni tanlashi; 
1
Быховский Я.С. Что такое образовательный веб-квест? // http://www.iteach.ru  

---