Педагогик атамалар луғати

Астраномия ўқув предмети – коинотда осмон жисмларининг жойлашиши ва 
ривожланишини илмий жиҳатдан ўқувчиларга ўргатадиган ўқув предмети. 
Атама – билим ёки фаолиятнинг махсус соҳасига доир тушунчани 
ифодаловчи сўз ёки сўз бирикмаси. 
Атрофлича фикрлаш – муайян масалани тафаккур воситаларидан 
фойдаланиб, атрофлича босқичма-босқич ҳал қилишдан иборат ақлий фаолият. 
Аттестат – 1) ўқув муассасасини тугатганлиги тўғрисидаги давлат ҳужжати. 
Етуклик аттестати-умумий ўрта мактабни битириб чиққан ўқувчиларга 
бериладиган давлат ҳужжати; 2) илмий ёки махсус унвон берилганлик тўғрисидаги 
шаҳодатнома. Профессорлик аттестати. Катта илмий ходимлик аттестати. 
Аттестация – 1) мутахассисларнинг ишга лаёқати, малакасини, билим 
даражаси ва хулқ атворини аниқлаш ва шу асосда ишга тайинлаш ёки унвон бериш 
учун ўтказиладиган синов; 2) Ўзбекистон Республикасининг “Таълим тўғрисида”ги 
Қонуни ва “Кадрлар тайёрлаш миллий дастури” ва бошқа меъёрий ҳужжатлар 
талаблари асосида муайян таълим муассасаси фаолиятининг асосий йўналишлари: 
моддий-техник базаси, кадрлар билан таъминланганлиги, ўқув-тарбиявий 
ишларнинг ташкил этилиши, бошқарув даражаси, ўқув услубий таъминоти, 
ўқувчилар ва талабалар билим даражаси ва бошқа қатор кўрсаткичлар бўйича 
давлат таълим стандартларига нечоғлиқ мувофиқ эканлигини аниқлаб берувчи 
жараён. 
Аудитория – олий ва ўрта махсус ўқув юртларида дарс ўтказиладиган хона. 
Аутотренинг – ўз-ўзини ишонтиришга асосланган махсус машқлар мажмуи.
Афина тарбияси – милоддан аввалги VII-V асрларда Афинада шаклланган 
ҳамда Қадимги Грецияда қўлланилган тарбия тизими. 
Афина тарбиясининг мақсади ҳар томонлама ривожланган инсонни 
шакллантиришдан иборат бўлган. У ўзида ақлий, эстетик, нафосат, ахлоқий ва 
жисмоний тарбияни мужассамлаштирган. Нафосат тарбияси асосан ўқиш, ёзиш, 
мусиқа, нутқ маданияти, фалсафа, сиёсатни ўрганиш жараёнида амалга оширилган. 
Жисмоний тарбия асосан, чопиш, кураш, сакраш, найза отиш каби турлар билан 
шуғулланишни назарда тутган. Ахлоқий тарбияда асосан интизомлилик, мардлик, 
ўзини тута билиш, ўз қадрини билиш каби хислатлар шакллантирилган.