Вазирлиги ўзбекистон республикаси қишлоқ ва сув хўжалиги

Муаммоли вазият. Муаммоли вазиятда ўқитувчи талабаларни муаммони xал қилишга ундайди ва 
талабаларни изланишга, мантиқан тўғри хулосалар чиқариш жараёнига дават этади. Вужудга келган 
муаммони xал қилиш жараёнида талабаларнинг фикрлаш қобилияти такомиллашиб боради. Масалан 
ўқитувчи “Кимёвий бирикмалар”ни саноат ва қишлоқ хўжалгидаги аҳамиятини тушунтиришда 
талабаларга бирикмаларнинг хусусиятлари ва хоссалари xақида нималар билишларини ҳамда 
нималарни эслашларини таклиф этади. Шундан кейин талабалардан моддалар ва уларнинг хоссалари 
xақида турли хил кузатишлар талаб этилади. Кузатилаётган xодисалар талабаларда моддаларнинг 
xосил бўлиши ва уларнинг хусусиятлари тўғрисида муаммоли вазиятни вужудга келтиради. Бунда 
ўқитувчи улар учун янги бўлган xодисани таҳлил қилиб беради. 
Эврестик суxбат. Талабалар фикрлашининг ўсиши – суxбатни ташкил этадиган ўқитувчи 
саволларининг характерига бевосита боғлиқ бўлади. Суxбат давомида, талабалардан илгари 
суриладиган илмий xолатларни асослаш, исбот қилиш, хулосаларни мустақил ифодалаб бериш талаб 
қилинади. Дарслик ва интернетдан тўғри фойдаланиш ҳамда олинган маълумотлар билан ишлаш ва 
уларни илмий жиxатдан тўғри таҳлил қилишга ундайди. Талабаларнинг дарслик билан ишлашларини 
самарадорлигини ошириш учун ҳар бир мавзуни охирида келтирилган, ўз-ўзини текшириш учун 
назарий саволлари ва тестлар катта аҳамиятга эга бўлади. Талабаларни уй ишларини бажаришга 
ўргатиш билан бирга, саволларга оғзаки жавоб беришга ўргатиш, талабаларда мустақил фикрлашни 
ривожлантиришга олиб келади. Саволлар шундай тузилганки, улар асосий материални ажратишга, 
таъриф ва формулаларни ўргатишга, дарслик матнидан маълум саволларга жавоб топишни 
ўрганишга ва олган билимларини мутаxкамлашга ёрдам беради. Дарсликда кимёвий модда тузилиши 
билан боғлиқ бўлган масала ва машқлар, расмлар ҳамда лаборатория ишлари келтирилган. Бу 
материаллардан имкони борича тўлароқ фойдаланиш тавсия этилади. Олган билимларни 
мустаxкамлаш учун қўшимча ўқув ва илмий оммабоп адабиётлар билан мустақил шуғулланиш ҳам 
талабаларни кимё фанига бўлган қизиқишларини орттиради.