Mikrobiologiya va immunologiya

Halqumda tarqalgan formasi 
 
 
Immuniteti.  Difteriyadan  so‘ng  antitoksik  immunitet  paydo  bo‘ladi,  ammo 
u kuchli emas, shuning uchun 6-7% bolalar qaytadan kasallanishlari mumkin. 
 
Laboratoriya  tashhisi.  Kasallik  tashhisi  asosan,  bakterioskopik  va 
bakteriologik usullar yordamida aniqlanadi. 
 
Tekshirish  uchun  difteritik  parda,  tomoq,  burun,vulva,  ko‘z  konyunktivasi 
va  teridan,  bakteriya  tashib  yuruvchilardan  esa  tomoq  va  burun  shilliq  qavatidan 
steril  tampon  bilan  material  olinadi.  Ayrim  vaqtda  oziq-ovqatlar  chayindisi  olib 
tekshiriladi.  Tekshiriladigan  materialdan  dastlab  surtma  tayyorlab  mikroskop 
ostida  ko‘riladi.  Bunda  difteriya  tayoqchalari  har  xil  shaklda,  turlicha 
joylashganligi  ko‘riladi.  Bu  material  maxsus  selektiv  muhitlarning  biriga  , 
masalan, ivitilgan zardob yoki telluritli agarga ekiladi, bunda 12-48 soat davomida 
mikroblarning koloniyalari paydo bo‘ladi, ulardan sof kultura olinib identifikatsiya 
qilinadi.