Nizomiy nomidagi тoshkenт davlaт pedagogika universiтeтi maтyoqubova тozagul rajapovna alisher navoiy hayoтi va ijodi fani bo’yicha o’quv qo’llanma

Farhodning  ilm-hunar  egallashi.  Хoqon  o’g’li  tug’ilishini  katta  tantana 
bilan  nishonlash  bilan  birga  uning  tarbiyasiga  ham  alohida  ahamiyat  beradi. 
Тarbiyani xoqon o’g’liga yaxshi ism qo’yishdan boshlaydi. Unga Farhod deb ism 
qo’yadi: 
Anga farzona Farhod ism qo’ydi, 
Hurufi ma’xazin besh qism qo’ydi. 
 
Firoqu rashku hajru oh ila dard,  
Biror harf ibtidodin aylabon fard.  
 
Borin ustodi ishq etgach murakkab, 
Тarakkubdin bu ism o’ldi murattab.  
Ammo  bu  ism  Farhodga  otasi  tomonidan  emas,  balki  uning  pokiza  zotini 
ko’rgach, ishq unga shunday ism beradi. Unga ism ishq osmonidan nasib bo’lgan.  
Oilada  farzand  tug’ilishini  intizor  bo’lib  kutgan  ota  Farhodga  yoshlikdan 
boshlab  puxta bilim  o’rgatadi.  Zamonasining  barcha  fanlaridan  puxta bilim  olishi 
uchun butun shart-sharoitlarni yaratib beradi. “Yunonda hikmat girdi”, “Arastu bir 
kichik  shogirdi”  bo’lgan  ustozdan    Farhod  qunt  va  ixlos  bilan  ilm  o’rganadi. 

---

 
105 
Farhodning  savodi  juda  tez  chiqadi.  Bu  haqda  shoir  “Uchunchi  oy  ravon  bo’ldi 
savodi.  Burung’i  yilda  Qur’on bo’ldi               yodi”,  deb  yozadi. Farhod o’n  yoshga 
yetganda  jahonda  u  bilmaydigan  ilm  qolmaydi.  U  dunyoviy,  ilohiy  va  diniy 
bilimlarni  mukammal  o’rganib,  ma’naviy  kamolotga  erishadi.  Shuningdek,  u 
jismoniy  jihatdan  ham  barkamol  bo’lib,  kamol  topadi.  Farhod  o’n  yasharligida 
qaddi-qomati  yigirma  yasharnikidek  edi.  U  nafaqat  aqlan  va  jismonan  baquvvat 
bo’lib  o’sdi,  balki  suvda  suzish,  qilichbozlik,  chavandozlik,  merganlik  singari 
jismoniy  mashqlar  doimiy  mashg’uloti  bo’lgan.  Farhod  o’zining  aqli,  jismoniy-
kuch qudrati bilan kishilarni hayratda qoldiradi.  
Farhod  bolalikdan  boshlab  g’amgin  bo’lib  o’sa  boshlaydi.  Otasi  qanday 
bo’lmasin  o’g’lini  xursand  qilishga  harakat  qiladi.  Хoqon  Farhodni  bu  holatdan 
qutqarish  uchun  unga  atab  yilning  to’rt  fasliga  moslangan  qasrlar  barpo  etishga 
kirishadi.  Anashu  jarayonda  Farhod    Qorandan  tosh  yo’nishni,  Moniydan 
naqqoshlikni, Boniydan me’morlikni o’rganadi.  
Ko’rinadiki,  Navoiy  kuch-qudratiga  munosib  aql-idrok,  fahm-farosat,  zehn 
egasi  bo’lgan  Farhodni  hunar  egasi  sifatidaham  ta’riflaydi.  Bu  bilan  shoir  uni 
komillikning yuqori maqomiga ko’tarilishuchun tayyorlab boradi.