Nizomiy nomidagi тoshkenт davlaт pedagogika universiтeтi maтyoqubova тozagul rajapovna alisher navoiy hayoтi va ijodi fani bo’yicha o’quv qo’llanma

Shirin  obrazining  asarda  tutgan  o’rni.  Dostonda  Shirin  obrazi    markaziy 
o’ringa  ega.  Navoiy  uni  aqlu  odobda  to’kis,  go’zallik,  vafo  va  sadoqat  ramzi 
sifatida  tasvirlashga  alohida  ahamiyat  bergan.  U  qalbi  pok,  oqila,  kishilarga 
mehribon,  xalqparvar  va  vatanparvar,  qat’iyat  va  mustahkam  iroda  egasi  bo’lgan 
insondir.  
Adabiyotshunos  A.Hayitmetov:  “Navoiy  ijodining  xususan,  lirik  va  epik 
she’riyatining  bosh  xususiyatlaridan,  qimmatli  tomonlaridan  biri  unda  kishilar 
o’rtasidagi  mehru  oqibat,  hurmat,  vafodorlikning  kuylanishidir”
1
,  deb  yozadi. 
Darhaqiqat,  uning  qahramonlari  irqi,  millati  yoki  mansabiga  qarab  emas,  balki 
insoniy sifatlariga  bir-biriga muhabbat qo’yadi. Dostondagi Farhod va Shirin ishqi 
buning  yorqin  misolidir.  Dostonda  Shirinning  Farhodga  bo’lgan  sevgisi  g’oyatda 
jozibador  tarzda  tasvirlangan.    U  Farhodni  Chin  shahzodasi  bo’lganligi  uchun 
emas,  mehnatdagi  matonati,  oqil  va  donishmandligi,  kamtarin,  beg’araz  va  mard 
insonligi  uchun  sevib  qoladi.  Farhod  Shiringa  qanchalik  qattiq  ko’ngil  qo’ygan 
bo’lsa,  Shirinning  ishqi  ham  undan  kam  emas.  Navoiy  Farhod  va  Shirin 
muhabbatidek  samimiy  sevgi  falak  paydo  bo’lgandan  beri  ko’rmagan  deb 
ta’riflaydi.  Shirin  Farhodning  mahbubi  mutlaq  visoliga  erishish  yo’lidagi  mazhar 
bo’lish bilan bir qatorda, ulug’ niyatni ko’ngliga tukkan oshiq edi. U ham ayriliq 
tufayli azob chekar, ko’ngli ishq tufayli g’amgin edi. Farhodning o’limidan xabar 
topgan  Shirin  uning  oldiga  boradi  va  uning  qalbidan  o’tli  bir  oh  chiqib,  mangu 
uyquga  ketadi.  Bu  sevishganlar  ruhining  jism  iskanjasidan  xalos  bo’lib, 
abadiylikka ravona bo’lishidir.