Nizomiy nomidagi тoshkenт davlaт pedagogika universiтeтi maтyoqubova тozagul rajapovna alisher navoiy hayoтi va ijodi fani bo’yicha o’quv qo’llanma

Хalq og’zaki ijodidagi rivoyat va afsonalar.  
Navoiy o’z badiiy va ilmiy asarlari bilan hayotligidayoq sharq xalqlari orasida 
mashhur  bo’lgan.  U  haqida  o’zbek,  tojik,  turkman  va  boshqa  xalqlarning  og’zaki 
ijodida  ko’pgina  ertak,  afsona,  hikoya  va  latifalar  yaratilgan.  Avvalo  u  mazkur 
og’zaki  ijod  namunalarida  ulug’  shoir  donishmand    va  mutafakkir  sifatida 
gavdalanadi.  Navoiyning  oqil  va  odil  davlat  arbobi  sifatidagi  faoliyati  ham  xalq 
og’zaki ijodida o’ziga xos talqinini topadi. Ko’pgina latifa, hikoya va rivoyatlarda 
Navoiy oqil va insonparvar, davlat va el-yurt manfaatlari uchun kurashuvchi ideal 
qahramon sifatida tasvir etiladi. Хalq og’zaki ijodidagi “Navoiy va yigit”, “Navoiy 
va  qirq  vazir”,  “Navoiy  va  Guli”,  “Navoiy  va  Husayn  Boyqaro”,  “Ona  suti”  va 
boshqa  rivoyat  va  hikoyatlarda  xalqning  Navoiyga  bo’lgan  samimiy  munosabati 
o’z  ifodasini  topgan.  Folklorshunos  M.Murodov  Navoiyga  bag’ishlangan  og’zaki 
ijod namunalarini to’plab, nashr ettirgan
1
 .