Nizomiy nomidagi тoshkenт davlaт pedagogika universiтeтi maтyoqubova тozagul rajapovna alisher navoiy hayoтi va ijodi fani bo’yicha o’quv qo’llanma

«Mahbub  ul-qulub»  asari.  Alisher  Navoiyning  «Mahbub  ul-qulub» 
(“Ko’ngillarning sevgani” 1500) eng yirik  hajmli nasriy asari bo’lib,  u shoirning 
so’nggi  asaridir.    Asar  ulug’  mutafakkirning  uzoq  yillik  hayotiy  tajribasi, 
kuzatishlarini o’zida mujassamlashtirgan.  

---

 
173 
«Mahbub ul-qulub» tarkibiy tuzilishiga ko’ra  uch qismga bo’linadi. Asarning 
birinchi  qismi  Navoiy  «Soriun-nosning  af’ol  va  ahvolining  kayfiyati»  deb  atalib, 
unda jamiyatdagi turli toifaga oid kishilar haqida so’z yuritiladi. Shoir shohlardan 
to  gadolargacha  mansub  bo’lgan  shaxslarning  yaxshi  va  xususiyatlarini  bayon 
etadi.  Odil  va  zolim  podshohlar,  firibgar  va  johhil  amaldorlar,  yaxshi  va  yomon 
san’atkorlar, kalamkashlar, riyokor din ahllarining haqiqiy qiyofalari  yoritiladi. 
Uningcha, shoh odil bo’lsa,  mamlakat  obod, xalq farovon  bo’ladi.  Aksincha, 
shoh zolim bo’lsa, mamlakat taqdiri mushkul ahvolda qoladi. Navoiy odil shohga 
zolim  va  johil  podshohlarpi  qarshi  qo’yib:  «Odil  shoh  ko’zgu  va  bu  aning 
uchasidur.  U  yoruq  subh,  bu  aning  qorong’u  kechasidur»,—  deb  yozadi.  Navoiy 
saroy  amaldorlari,  shoh  atrofidagi  mansabdorlar  va  boshqa  nufuzli  tabaqalar, 
chunonchi  «nomunosib  noiblar»ni  (3—  4-fasl),  «noqobil  sadrlar»  (6-fasl), 
«shaharda  olib  sotquvchilar»  (27-fasl),  «shahna  va  zindoniylar  va  asaslar»  (30-
fasl), «g’arib va benavolar» (33-fasl), «riyoiy shayxlar» (28-fasl), vazirlarga ta’rif 
berar ekan,  o’zining insonparvarlik nuqtai nazaridan kelib chiqadi. 
Navoiy  turli  toifaga mansub   kishilarni ta’riflaganda  ular  xarakterida  mavjud 
bo’lgan  nuqson  va  illatlarini  ko’rsatib  o’tadi.  Faqatgina  dehqonlar  haqida  yaxshi 
gaplarni  yozdi.  Ularning  kamchiliklari haqida so’z  yuritmagan.    Aksincha, «olam 
ma’murlig’i  alardin,  olam  ahli  masrurligi  alardin»  ekanligini  aytib,  mehnatkash 
dehqonlarning  barcha  ishlarini  ulug’laydi.  Navoiy  dehqon  mehnati  jamiyat 
farovonligi  uchun  qanchalik  muhim  ekanligini  aniq  misollar  orqali  ko’rsatib 
beradi. 
 «Mahbub  ul-qulub»ning  o’n  bobdan  iborat  ikkinchi  qismi  axloqiy 
masalalarga  bag’ishlanadi.  Unda  yaxshi  va  yomon  xislatlar  tahlil  etilgan.    Bu 
qismda  tavba,  zuhud,  qanoat,  sabr,  tavoze’,  kamtarinlik,  odob,  ishq  haqida  fikr-
mulohaza yuritilgan.  
Alisher Navoiy sabr haqida so’z yuritib, sabrning o’zi achchiq bo’lsa ham, u 
faqat  manfaat  keltiradi,  u  qattiq  narsa,  ammo  zararni  daf  etadi.    Navoiy  sabrni  
ta’riflash  uchun  turli-tuman  tashbehlardan  foydalanadi.  Sabrni  suhbati  zerikarli 
bo’lsa ham, maqsadga aniq olib boruvchi musohibga, oxiri murodga yetkazuvchi, 

---

 
174 
uzoqni  ko’zlovchi  ulfatga,  yurishi  sust  bo’lsa-da  manzilga  yetkazuvchi  ulovga 
o’xshatadi. Shuningdek, shoir sabrni tabibning achchiq dorisiga o’xshatadi. Zero, 
hech  kim uni xushlamasa-da, u shifo baxsh etadi. 
Ko’rinadiki,  Navoiy  sabrning  inson  uchun,  uning  kelajagi  uchun  muhim 
ahamiyatga ega ekanligini shoirona tasvirlagan. Shoir bu haqda shunday deydi:    
Ajab ranjeki andin sa’b yo’q ranj, 
Vale chekkan kishining bahrasi ganj. 
 «Mahbub  ul-qulub»ning  o’ninchi  bobi    «ishq  zikri»ga        bag’ishlanadi.    
Shoir  ishqni  porloq  yulduzga  o’xshatadi.  Bashariyat  ko’zining  ziyosi  shundandir. 
Navoiy  ishqni  tovlanib  turuvchi  gavharga  qiyoslaydi,  zero,  insoniyat  tojining 
ziynati  va  bahosi  shundandir.  Bu  ta’riflar  bilan  bir  qatorda  shoir  ishqni  tole’ 
quyoshiga,  keng  dengizga,  kuydurguvchi  shu’laga,  ajdahoga,  yashinga    tashbeh 
qiladi. 
Navoiy  ishqqa  kim  mubtalo  bo’lishi  haqida  so’z  yuritar  ekan,  “Inodi  olinda 
teng  ham  podshoh,  ham  gado.  Bedodi  qoshinda  bir  ham  fosiq,  ham  porso”
1
,  - 
deydi.  
Asarda  ishq  uch  turga  bo’linadi.  Birinchi  turi  –  avom  ishqidir.  Bu  oddiy 
kishilar  ishqi  bo’lib,  xalq  orasida  keng  tarqalgan.  Bu  xildagi  ishqqa  mubtalo 
odamlar  kimgadir  oshiq  bo’lib,  iztirob  chekib,  uning  xayoli  bilan  yuradi.  Bu 
ishqning  oliy  martabasi  –  sha’riy  nikohdir.  Ikkinchisi  –  xavoss  ishqidir.          Bu 
alohida  fazilat  egalariga  mansub  ishq  bo’lib,  uni  Navoiy  quyidagicha  ta’riflaydi: 
«Ul pok ko’zni pok nazar bilan pok yuzga solmoqdur va pok ko’ngul ul pok yuz 
oshubidin  qo’zg’olmoq  va  bu  pok  mazhar  vositasi  bila  oshiqi  pokboz  haqiqiy 
jamolidin  bahra  olmoq».  Bunday  ishq  namoyandalari  sifatida  shoir  Amir  Хusrav 
Dehlaviy,  Хoja  Hofiz  Sheroziy,  Abdurahmon  Jomiy  kabi  buyuk  siymolar 
nomlarini  keltiradi.  Uchinchisi  siddiqlar  ishqidir.  Bu  ishqqa  mubtalo  bo’lganlar 
Haqning  jamolini  ochiq  ko’rish  umidi  bilan  yashaydilar  va  shuning  bilan 
matlubdirlar.  Ularning  Haqni  ko’rish    umidlari  o’zni  unutish  darajasiga  yetgan. 
Ular visol ishtiyoqida behud va mast, vasl mayidan o’zga ruhlariga tilak  yo’q, Haq 
                                                           
1
 Навоий. Мукаммал асарлар тўплами. 20 жилдлик. Ж.14. – Т.: Фан, 1998. 66 б. 

---

 
175 
mushohadasidan  boshqa ko’ngillariga  orom  yo’qdir.  Navoiy  ular  haqida:    “Va  bu 
toifani vosillar debdurlar, ishqdin vasl maqsudi hosillar”, - deb yozadi.       
«Mahbub  ul-qulub»ning  uchinchi  qismi  «Mutafarriqa  favoyid  va  amsol 
surati»  deb  atalib,  unda  turli  foydali  foydali  maslahatlar  va  maqollar  beriladi. 
Navoiy  insonga  xos  –  saxiylik,  mehribonlik,  vafodorlik,  muloyimlik,  rostgo’ylik, 
ilmsevarlik,  mehnatkashlik,    kamtarlik,    tavoze’  singari  qator  fazilatlarni 
ta’riflaydi. Chin insoniylikning aksi  bo’lgan takabburlik, dangasalik, fisqu fasod,  
yolg’onchilik,  firibgarlik,  johillik,  bahillik,  ochko’zlik  singari  illatlarni  keskin 
qoralaydi. 
«Mahbub  ul-qulub»ning  bu  qismida  keltirilgan  tanbeh  va  misollar  rang-
barang  bo’lib,  ular  asosida  Navoiyning  ijtimoiy,  axloqiy  va  didaktik  qarashlari 
yuzasidan  aniq  tasavvurga  ega  bo’lamiz.  Alisher  Navoiy  o’zigacha  ma’lum 
bo’lgan  xalq    maqollarini  to’plab,  o’z  ijodiga  moslab,  turli  hikmat  va  xulosalar 
bilan boyitgan.  
Alisher Navoiy nafs haqida so’z yuritar ekan, nafsoniyatga berilgan kishilarni 
tanqid  ostiga  oladi.  Bunday  dardga  giriftor  bo’lgan  kishilar  birovning  boshiga 
tushgan  kulfatga  parvo  qilmaydi,  birovga  yaxshilikni  ravo  ko’rmaydi,  har  doim 
yolg’iz o’zi haqida o’ylaydi. Ularga  «barchag’a o’zgadan o’zi azizroq va o’zgalar 
so’zidan  o’z  so’zi  azizroq».  Navoiy  kishilarni  yaramas  illatlardan  xoli  ko’rishni 
istaydi.  
Navoiy yaxshilikni insonning ziynati deb biladi. Shuning uchun ham: «Jami’ 
mazohib  va  milal  ahli  qoshida  sobitdurkim,  yaxshilik  jazosi  yo’qtur  –  bajuz 
yaxshiliq», deya insonlarni  yaxshilik qilishga da’vat etadi. 
Navoiyning  saxovat  haqidagi  tushunchasi  ham  alohida  e’tiborga  molikdir. 
Shoir:  «Saxovatsiz  kishi  –  yog’insiz  abri  bahor...  Mevasiz  yig’och  hamonu  o’tun 
hamon  va  yog’insiz  bulut  hamonu  tutun  hamon.  Saxosiz  kishi  birla  gavharsiz 
sadafning bir hukmi bor»,— deb yozadi. 
Karamlilik  —  jabrlanganlarni  zulmdan  qutqarishga  intilish  va  ularning 
qiyinchiliklarini baham ko’rishdan iborat. Navoiy karam haqida fikr yuritib, ming 

---

 
176 
taassuf bilan: «Karam bashar tab’ida noyob va nobuddur, bu sababdin karam ahli 
nopaydo va nomavjuddir», - deydi. 
Alisher  Navoiy  vafoni  insoniyat  tojini  bezab  turuvchi  qimmatbaxo  dur, 
odamiylik  boshidagi  lovillab  turga»  gavharli  tojdir,  deydi.  Vafo  ahlining  ko’ngli 
pok,  tabiati  pokiza  bo’ladi.  Ular  hasad,  qudurat  va  kulfatdan  uzoqdirlar.  Navoiy 
yozadiki:  «Jahon  gulshani  vafo  gulidin  ziynatsizdir  va  bashariyat  guli  vafo 
rayhonidin nakhatsiz». 
Navoiy  vafo  bilan  hayoni  uzviy  borliqlikda  ko’radi:  “Vafosizda  hayo  yo’q, 
hayosizda  vafo  yo’q».  Shoir  nazdida  vafo  va  hayo  shunchaki  insoniy  fazilatlar 
bo’lmay, ular jamiyat hayoti uchun ham muhimdir. 
Asarda  til  va  so’z,  muomala  va.  Nutq  axloqiga  oid  qimmatli    mulohazalar 
bildiriladi. Shoir nutq axloqi masalasiga ancha keng o’rin ajratgan. Navoiy «nodon 
pandida g’alat  muharrar  va dushman  nasihatida  firib  mutasavvar»  ekanligini,  ular  
bilan  muloqotda  bo’lganda    aql  va  tadbir  bilan  ish  ko’rishni  maslahat  beradi. 
Achchiq  tillik  ham  eng  yomon  illatlardan  biri  ekanligi  haqida  Navoiy  yozadi: 
«achchig’ til zahrolud neshdek bo’lg’ay. Ko’ngulda til sinoni jarohati butmas, anga 
hech  nima  malham  yerin  tutmas». Shuning  uchun,  shoir   kishilarni xushmuomala 
bo’lishga  chaqiradiki,    bunday  kishilarning  «ochuq  yuzidin  xaloyiqqa  nishot  va 
chuchuk so’zidin ulusg’a inbisot», yetadi. 
Yolg’onchilik  ham  insonning  katta  qusuri  ekanligi  aytilib,«har  kimki  so’zi 
yolg’on, yolg’oni zohir bo’lg’och uyolg’on” – deydi. 
Navoiyning ilm-fan haqidagi qarashlari uning ma’rifatparvarlik g’oyalarining 
uzviy  qismini  tashkil  qiladi.  U  butun  hayoti  davomida  ilm-ma’rifatni  targ’ib  etdi, 
aziyat  chekib  ilm  o’rganganlarni  xiradmandlar  deb  ulug’laydi.  Yoshlarni  ilm-
ma’rifatni  egallashga  da’vat  etdi.  Uning  «Bilmaganni  so’rab  o’rgangan  olim  va, 
orlanib  so’ramagan o’ziga  zolim”,               “Oz-oz o’rganib  dono  bo’lur,  qatra-qatra 
yig’ilib daryo bo’lur», kabi dono o’gitlari aforizmga aylanib ketdi. 
Umuman, Alisher Navoiyning «Mahbub ul-qulub» asari katta ahamiyatga ega 
bo’lgan  komusiy  asardir.  Unda  jamiyat  va  inson  hayotining  ko’pgina  masalalari 
o’zining falsafiy yechimini topgan. Undagi fikr-mulohazalar ulug’ mutafakkirning 

---

 
177 
falsafiy, ijtimoiy-siyosiy, axloqiy-ta’limiy qarashlarining nechog’lik kengqamrovli 
ekanligi bilan birga shoirning nasrdagi mahoratini  ham namoyon etadi.