Илмий тадқиқот асослари: 1000 саволга 1000 жавоб тошкент–2019

779 - САВОЛ: 
БАҲОЛАШ ВОСИТАЛАРИ ДЕГАНДА 
НИМАНИ ТУШУНАСИЗ? 
ЖАВОБ: Баҳолаш воситалари деганда муайян фан бўйича 
назарий билим ва амалий кўникмаларни баҳолаш учун савол ва 
тестлар, топшириқлар ва машҳур лойиҳалар, шунингдек, баҳолаш 
методлари ва мезонлар мажмуалари тушунилади. 
КЎРСАТМА: Илмий тадқиқот иши бўйича олинган 
натижаларнинг амалий аҳамиятини янада ошириш бўйича улардан 
фойдаланишга оид услубий тавсиялар ва кўрсатмалар тайёрлаш 
керак ва бу натижалардан қўйилган муаммодан ташқари бошқа 
шунга ўхшаш муаммоларни ҳал қилишда ҳам фойдаланиш 
мумкинлигига алоҳида эътибор қаратиш керак. 
780 - САВОЛ: 
БИОЛОГИК МОДЕЛЬ ДЕГАНДА НИМА-
НИ ТУШУНАСИЗ? 
ЖАВОБ: Биологик модель деганда объектлар ва уларнинг 
қисмларига хос биологик тузилиши, уларнинг ташкилий-
тузилмавий кўриниши ва функционал мажмуаси тушунилади. 
КЎРСАТМА: Биологик моделлашда тадқиқот иши ва нати-
жасига эришиш жараёнини энг аввало ташкилий – тузилмавий 
модель кўринишида ифодалаб олиш керак бўлади. Бу орқали 
жараён кечишини оптимал режалаштириш ҳам мумкин, илмий 
тадқиқот ишини олиб боришнинг технологик харитасини ҳам 
тузиш мумкин бўлади. 
781 - САВОЛ: 
БИРЛАМЧИ МОДУЛЬ – БУ НИМА? 
ЖАВОБ: Бирламчи модуль – педагогик технологияни унинг 
бирор даражасидан бошлаб тасвирлашда дастлабки модуль 
сифатида танланган ва ўз таркибига битта ёки бир нечта кичик 

---

503 
модулларни олган модуль педагогик технология таркибидаги энг 
кичик бирликни ифодалайди. Амалда бундай кичик модулни 
ташкил қилувчи бошқа кичик модулларга ажратиш мумкин эмас, 
деб ҳисобланади. 
КЎРСАТМА: Замонавий таълим технологияларини ишлаб 
чиқишни ўйлаган ҳар қандай тадқиқотчи қуйидагиларга эътибор 
берса яхши бўлар эди: 

модуль блокларга кирувчи фанларнинг ўқув дастури 
орасидаги ўзаро боғланишларини таъминлаш; 

фаннинг модулларини таъминлаш; 

модулнинг ўқув - услубий ва ўқув - кўргазмали мате-
риалларини тайёрлаш; 

ҳар модулнинг ўзлаштирилганлигини назорат қилиш.