Microsoft Word 127b2635c69e0ccce220d54f0a4d206a612d9bae85273c7ad237f9e445cb2da1

3.“G’aznachilik”  fanining  iqtisodiy  fanlar  tizimida  tutgan  o’rni  va 

ahamiyati 

Davlat  byudjetining  g’azna  ijrosini  joriy  etish  –  keng  qamrovli  masala 

bo’lib, o’zaro bog’liq bo’lgan qator masalalarni hal qilishni talab etadi, xususan: 

huquqiy jihatdan – davlat byudjeti g’azna ijrosiga o’tish va amal qilishining 

qonuniy-huquqiy asosini yaratish va takomillashtirish; 

tashkiliy  jihatdan  –  Moliya  vazirligi  tarkibida  maxsus  ixtisoslashgan 

g’aznachilik boshqarmasini, shuningdek, uning hududiy va mahalliy bo’linmalarini 

tashkil etish; 

uslubiy  jihatdan  –  g’aznachilik  faoliyatining  uslubiy  asoslarini 

shakllantirish,  hisob  va  hisobot  tizimini  qayta  tuzish,  Yagona  g’azna 

hisobvarag’ini ochish va yuritish; 

texnik  va  texnologik  jihatdan  –  davlat  moliyasi  bo’yicha  katta  hajmdagi 

axborotni  to’plash  va  qayta  ishlashga  imkon  beradigan  samarali faoliyat qiluvchi 

integratsiyalashgan avtomatlashtirilgan tizimni yaratish va joriy qilish; 

kadrlar  ta’minoti  jihatidan  –  Moliya  vazirligi  tizimidagi  moliya 

organlarining  hamda  byudjet  tashkilotlarining  xodimlarini  va  buxgalterlarini 

g’aznachilik sharoitida ishlash bo’yicha qayta o’qitish va malakasini oshirish. 

---

 

 

17

Nazariy  jihatdan  ham,  amaliy  jihatdan  ham,  metodologik  hamda  tashkiliy 

jihatdan  davlat  byudjetining  g’azna  ijrosini  tushunish  hamda  bevosita  ijro  etish 

ancha  murakkab  jarayondir.  Ana  shu  jihatlar  “G’aznachilik”  fanining  ham 

murakkabligini belgilab beradi. Fan sifatida mavjud bo’lishi uning boshqa maxsus 

fanlar bilan nazariy jihatdan bog’liqlikda bo’lishini talab etadi. Davlat byudjetining 

g’azna  ijrosi  ishtirokchilari:  moliya  organlari,  byudjet  tashkilotlari,  banklar, 

g’aznachilik  bo’linmalari,  mol  etkazib  beruvchilar  va  boshqalar  faoliyatining 

xususiyatlari  uning  boshqa  iqtisodiy  fanlar:  Davlat  byudjeti,  Mahalliy  byudjetlar, 

Davlat maqsadli jamg’armalari, Moliyaviy nazorat, Buxgalteriya hisobi, Moliyaviy 

tahlil,  Audit  kabi  fanlar  bilan  mantiqan  uzviylikda  bo’lishini  va  bog’liqligini 

belgilab beradi. 

Shu  bilan  birga,  “G’aznachilik”  fani  qator  maxsus  fanlar,  jumladan, 

“Byudjet  g’azna  ijrosi”,  “Byudjet  tizimi”,  “Byudjet  hisobi”  kabi  fanlarni 

o’zlashtirish uchun nazariy-uslubiy asos bo’lib xizmat qiladi.