Gidrologiya va injener indd

Gruntlarning  granulometrik  tarkibi.  Gruntlarning  granulo-
metrik tarkibi deb har xil kattalikdagi grunt fraksiyasining yoki 
zarra guruhlari massasi absolut quruq gruntininig umumiy mas-
sasiga foizlarda ifodalangan nisbatiga aytiladi. Gruntning granu-
lometrik tarkibini aniqlash uchun granulometrik analiz o‘tkazilib, 
ma’lum  bir  miqdordagi  grunt  har  xil  fraksiyalarga  ajratiladi 
(bir  necha  o‘n  millimetrdan  millimetrning  mingdan  bir  qismi-
gacha o‘lchamli) va ularning har birining miqdori foiz hisobida 
gruntning umumiy miqdoriga nisbatan aniqlanadi. 
Gruntlarning granulometrik tarkibi muhim ko‘rsatkich bo‘lib, 
u  yo‘llarning  asosi  va  qurilish  materiali  sifatida  fizik-mexanik 
xossalarni baholashda katta ahamiyatga ega. 
Grunt  donalari  yo‘l-qurilish  tasnifiga  asosan,  shag‘al,  qum, 
chang va gil fraksiyasiga ajratiladi.
Shag‘al  fraksiyasi  (o‘lchami  70–2  mm)  har  xil  mineralogik 
va  kimyoviy  tarkibga  ega  bo‘lgan  usti  silliqlangan  tog‘  jinslari-
ning bo‘lagidir. Bu fraksiyalarning suv o‘tkazuvchanligi juda yu-
qoridir  (100  m/sut  dan  katta),  kapillarlik  hodisasi  yo‘q.  Agar 
gruntning tarkibida 30% dan ko‘p shag‘al fraksiyasi bo‘lsa, bun-
day gruntning mustahkamligi ortadi.
Qum fraksiyasi (o‘lchami 2–0,05 mm). Ko‘pincha qum frak-
siyasi kvars, dala shpati va boshqa minerallardan iborat bo‘ladi. 
Uning  donalari  bir-biri  bilan  bog‘lanmagan  bo‘lib,  suvda 
ko‘pchimaydi.  Suv  o‘tkazuvchanligi  birmuncha  yuqori,  kapillar 

---

103
balandligi  pastroq.  Hajm  kichrayishi,  plastiklik  va  yopishqoqlik 
kabi xususiyatlar qumlarga xos emas.