Ozbek tili metodikasi 4-sinf indd

Interaktiv mashq.
Ovoz orqali quyidagi topshiriq o‘qiladi: Qiz bolalar 
familiyasining birinchi harfiga qarab alifbo tartibida yozing.
Ilhomova, Lazizova, Yo‘ldoshev, G‘ulomova, Kamolova, 
Murodov, Olimov, Tohirova, Samadov.
III. Yangi mavzuning bayoni. Slayd. O‘qituvchi slayd asosida 
o‘quvchilar bilan birgalikda so‘zlarga savol berib javobini o‘qiydi. 
O‘rin-joy va harakat yo‘nalishini bildirgan so‘zlarni farqlang!
Qayerda ?
Uyda (o‘tirmoq)
Hovlida (ishlamoq)
Hammomda (cho‘milmoq)
Devorda (ko‘rmoq)
Gulzorda (uchrashmoq)
Oshxonada (ovqatlanmoq)
Ayvonda (o‘tirmoq)
Qayerga ?
Uyga (bormoq)
Hammomga (tushmoq)
Gulzorga (kirmoq)
Oshxonaga (kirmoq)
Ayvonga (chiqmoq)
Hovliga (chiqmoq)
Devorga (osmoq)
Video: Bir oilaga tegishli bo‘lgan uy tasviri ekranda paydo bo‘ladi. 
Tasvirda hovli, ayvon, yotoqxona, hojatxona, zina, tom, devor, gul-
zor, hammom, oshxona, bolalar xonasi, yo‘lak ko‘rsatib o‘tiladi. 
Video asosida 1-topshiriq bajariladi. Zanjir usulida o‘qitiladi. Matn 
asosida o‘quvchilar o‘z uylari haqida so‘zlab beradilar. O‘quvchilarga 
quyidagi savollarni berish orqali nutqiy mavzu mustahkamlanadi: 
Uyingiz qaysi ko‘chada joylashgan bilasizmi?
Sizning uyingiz qanday?
Uyingizda nechta xona bor?
Sizning xonangizda nimalar bor? Tasvirlab bering.
Uyingiz doim ozoda bo‘lishi uchun nimalar qilasiz?
Shu jarayonda 1-mashq bajariladi. Rasm asosida berilgan savol-
larga javob beradilar.