Ozbek tili metodikasi 4-sinf indd

IV. O‘quvchilarni baholash. O‘quvchilar darsdagi faol ishtirokiga 
ko‘ra rag‘batlantiriladi va baholanadi. 
V. Uyga vazifa berish. 3-topshiriqdagi topishmoqni yod olish. 
9-dars. BOG‘DA 
Darsning maqsadi:
a) ta’limiy:  Mavzuga oid tayanch so‘zlar va jumlalarni to‘g‘ri 
talaffuz qilishga, hisob so‘zlarini nutqda belgi va faoliyat bildiruvchi 
so‘zlar bilan qo‘llab gaplar tuzishga o‘rgatish; 
b) tarbiyaviy: odob-axloq qoidalariga rioya qilish, o‘zaro mulo-
qotda muomala madaniyatiga amal qilish, mehnatsevarlik, to‘g‘rilik 
kabi sifatlarni shakllantirish.
d) rivojlantiruvchi:  o‘quvchilarning og‘zaki va yozma nutqini, 
husnixat bilan yozish, kirishimlilik ko‘nikmasini rivojlantirish, 
lug‘at boyligini oshirish. 
Dars turi: yangi bilim beruvchi. 
Dars metodi: interfaol usul, aqliy hujum, suhbat.
Dars shakli: yakka tartibda, guruh bilan ishlash. 
Dars jihozi: darslik, AKT, bog‘ tasviri, mevalar aks etgan rangli 
rasmlar, didaktik tarqatma materiallar; multimedia vositasi.
Nazorat: o‘quvchilarning darsda faolligi kuzatilib, hisobga olib 
boriladi. 
Baholash: o‘quvchilar reytingi dars oxirida e’lon qilinadi.