Кичик гуруҳ (3-4 ёш)

Атроф олам тўғрисидаги билимга эга бўлиш ва уни англаш 
Она Ватан ва атроф-олам. Болаларда мустақил Ўзбекистон давлати ҳақидаги 
тушунчаларни кенгайтириш. Самарқанд, Бухоро, Хива ва Тошкент шаҳарлари, Буюк ипак 
йўли ҳақида қисқача маълумот бериш. 
Болаларга “Конституция сабоқлари” асосида илк тушунчалар бериш. 
Ўзбекистоннинг мустақиллиги, герби, байроғи ва мадҳияси ҳақидаги билимларини 
шакллантириш. Мадҳияни ижро эта олишни ўргатиш. Ўзбекистон Республикаси Президенти 
томонидан бошқарилиши, Ўзбекистоннинг пойтахти Тошкент шаҳри эканлиги ҳақидаги 
тушунчаларни бериш. 
Болаларнинг ўз туғилган юртига меҳр-муҳаббат ҳиссини шакллантириш.
Болаларга ўзлари яшаётган шаҳар, қишлоқ, маҳалла, кўчаси ҳақида маълумот 
бериш.Уларнинг номлари билан боғлиқ бўлган жиҳатларини англатиш. Уй манзилини 
билишга ўргатиш
Болалар қалбида ўз халқига муҳаббат ва ҳурмат туйғуларини таркиб топтириш, миллий 
ғурурни тарбиялаш, уларга ўзбек халқининг меҳр-оқибатли, меҳмондўст, меҳнатсевар ва 

---

86 
камтарин эканлигини сингдириш. Ўзбекистоннинг ҳудуддаги тарихий обидалар, қадимий 
ёдгорликлар ҳақида тушунча бериш, уларга қизиқиш ва ҳурмат ҳиссини тарбиялаш 
Буюк сиймолар. Болаларни тарихимиз ва буюк Шарқ алломалари, уларнинг ҳаёти ва 
ижоди билан таништиришни давом эттириш.
Навоийнинг буюк мутафаккир олим, ёзувчи, давлат арбоби бўлганлиги ҳақида 
маълумот бериш. Унинг одоб-аҳлоқ, тарбияга оид, ота-оналарга муҳаббат ҳиссини 
уйғотувчи, болалар ёшига мос асарлари билан таништириш.
Буюк инсонлар: Ал Беруний, Абу Али Ибн Сино, Мирзо Улуғбек ҳақида илк 
тушунчалар бериш. 
Анъанавий байрамлар. Болаларнинг ўзбек миллий байрамлари Наврўз, Мустақиллик 
байрами  ҳақидаги тасаввурларини янада кенгайтириш, бойитиш. 
Шакл ва мазмун жиҳатдан хилма-хил бўлган сайлларни мунтазам равишда ташкил 
қилиб туриш. Масалан катта сайл(бойчечак, она ер саҳовати, гилос, олма) ва қушлар ҳамда 
гуллар байрами ва ҳ.к..