Собиқ Иттифоқ даврида Ўзбекистон, асосан, пахта етиштирувчи республика бўлгани учун мамлакатдаги кимё саноати корхоналари

ЭЪТИРОФ
Ли Гао ПИН, Резина саноати бўйича Пекин тадқиқотлар ва лойиҳа институти (BRDI) бош директори (Хитой):
— Аввало, биз ўзбекистонлик мутахассислар билан ҳамкорликда автомобиль ҳамда қишлоқ хўжалиги техникалари учун шиналар,
конвейер лентаси тайёрлаш лойиҳасини амалга оширишдек ажойиб имкониятга эга бўлганимиздан мамнунлигимизни изҳор
этмоқчиман. Бу юртингиздаги дастлабки лойиҳамиз бўлиб, унинг ҳаётга татбиқ қилиниши жозибадор мамлакатингиз билан
алоқаларимизни янада мустаҳкамлаш ва кенгайтириш учун муҳим омилдир.
Ўзаро шериклигимиз узоқ вақт давом этиб, самарали кечиши ҳамда халқларимиз турмуш фаровонлигини янада оширишга хизмат
қилишига ишончимиз комил.
Масаёши ЯНО, “Мицубиси хэви индастриз” компанияси лойиҳа директори, Ёичи САНО, “Мицубиси корпорейшн” компанияси лойиҳа
директори:
— Компанияларимиз машинасозлик ва инжиниринг соҳасида дунёда етакчи компаниялардан ҳисобланади. Биз Ўзбекистондаги
“Навоийазот” АЖда аммиак ҳамда карбамид ишлаб чиқаришнинг янги қувватини ташкил этишга йўналтирилган кимё саноатидаги
йирик инвестициявий лойиҳалардан бирини амалга оширишда қатнашаётганимиздан бахтиёрмиз.
Мазкур лойиҳанинг рўёбга чиқарилиши нафақат “Навоийазот” АЖ, балки юртингиз кимё саноатининг технологик янгиланишида янги
уфқларни очади.
Ўзбекистон ҳукумати шундай шарафли вазифани бажаришни бизга ишониб топширгани учун унинг раҳбариятига миннатдорлик
билдирамиз.
Пракаш КЕЖРИВАЛ, “Индорама Корпорейшн” компанияси директори, вице-президенти (Сингапур):
— Ҳозирги кунда мамлакатингизда турли ўғитлар ишлаб чиқаришни йўлга қўйиш мақсадида “Ўзкимёсаноат” АЖнинг бир қатор кимё
корхоналарини модернизациялаш бўйича қўшма лойиҳани амалга ошираяпмиз. Мақсадимиз — уларда замонавий технологияларга
асосланган, энергия тежовчи асбоб-ускуналарни қўллаган ҳолда, сифатли, экспортбоп, юқори қўшимча қийматга эга бўлган ва халқаро
бозорда рақобатдош маҳсулотлар тайёрлаш. Юртингизга инвестиция киритишда давом этаётганимиз сабабини сўрасангиз, бу —
Ўзбекистонда чет эллик сармоядорлар учун яратилган қулай инвестициявий муҳит шарофати. Бу борада мавжуд мустаҳкам
қонунчилик базаси келажакка ишонч билан қарашга, мамлакатингиз билан ҳамкорлигимизни янада мустаҳкамлашга ундамоқда.
Фурсатдан фойдаланиб, бетакрор диёрингиз мустақиллигининг 25 йиллиги арафасида халқингиз ҳамда ҳукуматингизга энг самимий
тилакларимни йўллайман.