Тошкент давлат иқтисодиёт университети

7. Биржа битимлари. Биржада амалга ошириладиган биржа битими 
турлари. 
92. Биржада қайд қилинган биржа савдоси натижаси бўйича тузилган 
биржа товари олди-сотди шартномаси биржа битими ҳисобланади. 
93. Биржа савдоси давомида биржа битимлари тузишга фақат брокерлар 
ҳақли. 
94. Биржада тузилган битимлар қонунчиликда кўзда тутилган ҳолларни 
истисно қилганда нотариус томонидан тасдиқланиши лозим. 
95. Биржада қуйидаги биржа битимлари турларини амалга оширишга 
рухсат этилади: 
спот битимлар – реал товарни ёки товарга эгалик қилиш ҳуқуқини дарҳол 
етказиб бериш шарти билан тузиладиган битимлар; 
форвард битимлари – реал товар билан уни етказиб бериш муддати 
кечиктирилган ҳолда олди-сотди битимлари; 
фьючерс битимлари – уларни келажакда ижро этиш мажбурияти билан 
товарларга стандарт шартномалар олди-сотди битимлари; 
опцион битимлари – товарлар ёки товар етказиб бериш бўйича 
шартномаларни олдиндан белгилаб қўйилган нархда келажакда олди-сотди 
битимлари. 
96. Барча биржа битимлари турлари қуйидагиларга тақсимланади: 
республикада ички битимлар – Ўзбекистон Республикаси ҳудудида 
товарлар олди-сотди битимлари; 

---

30 
экспорт битимлар –товарларни экспортга сотиш кўзда тутиладиган 
битимлар; 
импорт битимлар – товарларни Ўзбекистон Республикаси ҳудудига 
киритиш кўзда тутиладиган битимлар. 
100. Биржа битими у биржа савдолари умумий электрон тизимида қайд 
этилган пайтдан бошлаб тузилган ҳисобланади. 
8. Битим тузиш, экспорт ва импорт биржа шартномаларини рўйхатга 
олиш ва ижро этиш. 
136. Товарларни экспортга етказиб беришда шартнома Ўзбекистон 
Республикаси хўжалик субъекти бўлган сотувчи ва норезидент бўлган харидор 
ўртасида тузилиб, товарларни Ўзбекистон Республикаси ҳудудидан ташқарига 
етказиб бериш кўзда тутилади. Экспорт шартномалари Ўзбекистон 
Республикаси миллий валютаси «сўм»да ҳам, хорижий валюталарда ҳам 
тузилиши мумкин. 
137. Экспорт шартномасида қуйидагилар кўзда тутилиши лозим: 
сотилаётган товар номи, сотилаётган товар нархи ва ҳажми, сотувчи ва харидор 
ҳақидаги маълумотлар, товарни етказиб бериш шартлари, тўлов шакли ва 
муддати, товарнинг келиб тушиш шартлари ва томонларнинг жавобгарлик 
чегаралари, қонунчиликка мувофиқ бошқа шартлар. 
147. Импорт шартномалар Ўзбекистон Республикаси хўжалик субъекти 
бўлган харидор ва норезидент бўлган сотувчи ўртасида тузилиб, товарларни 
четдан Ўзбекистон Республикаси ҳудудига олиб кириш кўзда тутилади. 
148. Биржа импорт шартномасини рўйхатга олиш Ўзбекистон 
Республикаси миллий валютаси «сўм»да амалга оширилади.