O‘zbekiston davlat san’at va madaniyat institutining ma’naviy-ma’rifiy, ilmiy, axborot gazetasi

                 * * *

Vatan, to tanda jonim bor,

Seningdirman, seningdirman,

Tanim xok oʻlsa ham sen yor,

Seningdirman, seningdirman.

Jahon kengdir, falak kengdir,

Yurak kengdir, chu sen borsan,

Seningsiz ikki dunyo tor,

Seningdirman, seningdirman.

Menga begona ellarda

Nasib gar oʻlsa yuz rohat,

Chekay bagʻringda ming ozor,

Seningdirman, seningdirman.

Agar shodliklaring ozdir,

Meningdirsan, meningdirsan,

Magarkim gʻamlarim bisyor,

Seningdirman, seningdirman.

Bugun bor, erta yoʻq jismim,

Valek ruhim uchun mangu

Sening manguliging darkor,

Seningdirman, seningdirman.

Sening ishqing bilan yondim,

Ketar jonimda bu otash,

Seningdirman, yana takror,

Seningdirman, seningdirman.

 Erkin VOHIDOV,

Oʻzbekiston xalq shoiri

O

ʻzbekiston Respublikasi mustaqilligining 

28 yilligi barchamizga muborak bo’lsin!

---

2019-yil iyul-avgust, № 75-76