Ўзбекистон республикасида таълим

Тест топшириқларининг таълимий функцияси. Тест топшириқлари 
таҳсил олувчиларнинг ўзлаштирган билим, кўникма ва малакаларидаги типик 
камчиликларни аниқлаш баробарида, уларни ўз билимларини орттириш 
мақсадида мунтазам ва тизимли фан асосларини ўрганишга ундайди. 

Тест топшириқларининг тарбиявий функцияси. Тест топшириқлари 
таҳсил олувчилар томонидан тўғри жавобни топиш жараёнида муайян билиш 
қийинчиликларини ҳис этиши, муаммони ҳал этиш мақсадида ақлий 
операциялар: таҳлил, синтез, қиёслаш, умумлаштириш ва хулоса ясаш 
кабиларни бажариши орқали уларда баркамолликка замин тайёрлайдиган 
сифатлар: ирода, онгли интизом, муайян ўқув муаммоларини ҳал этишга 

---

31 
сафарбарлик, чидамлилик, сабр-тоқат, ютуқларга эришиш учун билими ва 
кучини сарф этиши орқали шахс сифатида ривожланишига имконият яратади. 

Тест топшириқларининг ривожлантирувчи функцияси. Тест 
топшириқлари таҳсил олувчиларининг эгаллаган билим, кўникма ва 
малакаларини мустаҳкамлаш, ривожлантириш, эришилган натижаларда 
ўзининг улуши муҳим ўрин тутишини эътиборга олган ҳолда шахс ва келгуси 
фаолиятидаги маъсулиятини англаган ҳолда ўз-ўзини ривожлантиришга 
ундайди. 
Компетенциявий ёндашув асосида ташкил этиладиган таълим-тарбия 
жараёнида фойдаланиладиган тест топшириғи тўрт қийинлик даражаси асосида 
тузилиши ва ҳар бир топшириқнинг қийинлик даражаси аниқ бўлиши керак: 

Осон (репродуктив) (I) - таҳсил олувчилар томонидан ўқув материали 
қайта ишланмасдан, уларнинг хотирлаш қобилиятини аниқловчи, ҳодиса, воқеа, 
қонун ва атамаларнинг моҳиятини билишни талаб қиладиган даража; 

Ўртача қийин (продуктив) (II) - таҳсил олувчилардан объектларни 
таҳлил қилиш, синтезлаш, таққослаш, бир нечта қонун ва қонуниятларни бир 
вақтда қўллаб, умумлаштириш орқали хулоса ясашни талаб қилувчи даража; 
