Ўзбекист онда з амонавий интенсив о

6. Ёзги кесиш
Ёзги кесишнинг физиологик жараёнлар-
га таъсири. Ёзги кесишдан кейин дарахт қуйи 
қисмида қолдирилган шохлардаги баргларнинг 
фотосинтез кўрсаткичи кесилмаган дарахтларда-
ги худди шундай баргларникига нисбатан 11–39% 
юқорироқ эканлиги қайд қилинган. 
Ёзги кесишнинг меваларга таъсири. Ёзги 
кесиш, асосан, мевалар қизил рангини яхшилаш 
ва умумий сифатини ошириш мақсадида амалга 
оширилади. Ёзги кесиш орқали ўсишни бошқариш 
айтарли натижалар бермаган. Ранг олиши қийин 
бўлган Макинтош ва Гала каби навларда ёзги ке-
сиш мевалар қизил рангга киришига жуда яхши 
таъсир ўтказади. 
Аммо Ред Делишеснинг қизил чатишмалари 
каби тўла қизил рангли навларда ранг нуқтаи 
назаридан ҳеч қандай ўзгаришлар кузатилма-
ган. Ёзги кесиш мевалардаги ачқимтир доғлар, 
ички ёрилиш ва сувланишни камайтириш орқали 
ҳосилнинг узоқ муддат сақланиш сифатини оши-
ради. 
Сақланиш сифатига путур етказувчи бундай бу-
зилишларнинг камайишига сабаб — ёзги кесиш на-
тижасида мева таркибидаги кальций миқдорининг 
ошиши деб эҳтимол қилинади. Мева таркибидаги 
кальций миқдори учки куртаклар шаклланишидан 
аввал, мева ҳужайралари фаол бўлиниш даврида 
амалга оширилган ёзги кесиш натижасида ортади. 
Учки куртаклар шаклланишидан сўнг амалга 
оширилган ёзги кесиш мева таркибидаги кальций 
миқдорига деярли таъсир кўрсатмайди. Агар ёзги 
кесиш давомида баргли новдалар ҳаддан зиёд 
кесиб ташланса, мева ҳажми кичрайиши ҳамда 
мева таркибидаги эрувчан моддалар миқдори ка-
майиши мумкин. 
Енгил ёзги кесиш мева рангини яхшилаш би-
лан бирга, мева ҳажми ва таркибидаги эрувчан 
моддаларга салбий таъсир кўрсатмайди. Ҳаддан 
ортиқ ёзги кесиш баъзи куртакларнинг ёриши ва 
кеч мавсумда гуллаши, натижада эса дарахтда 
бир вақтнинг ўзида ҳам етилган мева ҳам гуллар 
мавжуд бўлишига сабаб бўлади. Бундай ҳолат 
Макинтош» ва Гала каби навларда кўпроқ учрайди 
ҳамда гул ва мевали аралаш давр кўп ҳолларда 
узоққа чўзилади.