Ўзбекист онда з амонавий интенсив о

интенсив олма боғларида симбағаз тизими. 
Интенсив пакана боғларни симбағаз тизимисиз та-
саввур қилиб бўлмайди. Қуйидаги расмларда ти-
зимни ўрнатишда фойдаланиладиган 5 метр узун-
ликдаги бетон устунлар ва уларни тортиб турувчи 
диаметри камида 2,5 мм бўлган рухланган симлар-
ни кўриш мумкин. Симларни рухланиш даражасини 
юқори бўлиши тавсия этилади. 
7. Ёш дарахтлар шохларини бойлаш
Тўғри бурчак остида ўсаётган шохларда гулкур-
таклар яхши ривожланади, қуёш нурлари яхши ки-
риб боради, дарахтга структуравий куч беради ва 
ёш кўчатларда ўсишни тўғри жойга сарфланишига 
сабаб бўлади. 
Тор бурчакка эга шохлар кучсиз бўлади, мева 
оғирлигидан ёки шамолда синиб кетади. Шохлар-
ни йилнинг қайси даврида эгиш ва эгишнинг кучи 
ўсиш ва ҳосилга таъсир ўтказади. Мева туридан 
қатъи назар, новда ва шохлар горизонтал ҳолатга 
яқинлаштирилар экан, апикал устунлик камаяди, 
учки ўсиш сустлашиб, ён шохларнинг пайдо бўлиши 
кўпаяди. Арка ҳолида, новда учи горизонталдан 
пастда бўлади, эгиш шохларни юк кўтариш кучини 
оширмайди, балки энг юқори жойдан тик новдалар 
ўсишига олиб келади. 
Апикал устунлик дарахт ўсишни икки гормон – 
цитокинин ва ауксин орқали бошқаради. Цитоки-
нин – томирларда пайдо бўлиб, дарахт тепасига 
ҳаракатланиб, новдалар учида жойлашган куртак-
ларни уйғотиб, ўсишга мажбурлайди. Натижада 
ўсишни бошлаган учки куртаклардан ауксин гормо-
ни пайдо бўлади ва пастга ҳаракатланиб, пастдаги 
ён куртакларни ўсишдан тўхтатади. Апикал устун-
лик тик шохларда энг кучли бўлади. 
Апикал устунлик кучи учки куртаклардан 
узоқлашган сари камаяди ва натижада ён новдалар 
пайдо бўлиши мумкин. Мева турларига ва навлари-
га қараб апикал устунлик турли кучда бўлиши мум-
кин. Новдалар тик ҳолатдан эгилган сари ауксин ва 
цитокинин новда учларида кўп тўплана олмайди 
ва натижада эгилган шохда ён шохлар пайдо бўла 
бошлайди. 
Новдалар учлари горизонтал ҳолатдан пастга 
эгилганда апикал устунлик йўқотилади. Натижа-
да ауксин пастга қараган куртакларда тўпланади 
(шу сабабли пастга қараб новда ўсмайди), цито-
кинин эса энг юқорида жойлашган куртакларда 
тўпланади. Апикал устунлик таъсиридан холи те-
падаги куртаклар шохда ёки новдаларда янги тик 
новдалар ўсишига ва апикал устунликни қайтадан 
тиклашга ҳаракат қилади. 
Шундай экан, новда ва шохлар учини горизонтал 
ҳолатдан пастга эгиш қисқа вақтда ҳосил олишга ва 
умумий ҳосилдорликка салбий таъсир этади.