Жабборов, Рустам 100 жумбоқли ҳикоя / Рустам Жабборов. Тошкент: Янги

ДАҲШАТЛИ ТУШ АСОРАТИ
Воқеа ўн тўққизинчи асрнинг ўрталарида Лондонда 
юз берган эди.
Кунларнинг бирида англиялик офицер Жеймс Лоу-
ренсни уйидан ўлик ҳолда топишади. Бу ҳақда биринчи 
бўлиб офицернинг беваси полицияга хабар қилганди. 
Скотленд-Ярд полицияси шу ондаёқ ишга киришади. 
Марҳум ҳақидаги дастлабки маълумотлар тўпланади. 
Уни яқиндан таниган-билганларнинг барчаси сўроқ қи-
линади. Бироқ, унинг ким биландир қасдлашиб юргани 
ўз исботини топмайди. 
Офицер эндигина ўттиз ёшга тўлган, яқинда Хитойга 
махсус топшириқ бўйича сафарга бориб қайтган экан. 
Тиббий экспертиза офицер қаттиқ қўрқув натижасида 

---

35
«
100 жумбоқли ҳикоя
»
юраги ёрилиб ўлганини аниқлайди. Бева аёлнинг кўр-
сатмалари ҳам экспертиза хулосаларига мос тушарди. 
Унинг айтишича, офицер сафардан қайтгач, жуда ға-
лати бўлиб қолган. Тез-тез уйқуси бузилиб, алаҳсираб 
уйғониб кетадиган одат чиқарган. Фожиа юз берган оқ-
шом офицер тинчгина уйқуга кетган. 
Худди шу оқшом офицернинг тушида Хитой импера-
торининг саройи кирган. Махсус топшириқ билан Хи-
тойга борган офицерни император айғоқчилари тутиб 
саройга олиб киришганди. Офицерни Хитойга қарши 
жосусликда айблашган. Император ортиқча сўроқ қи-
либ ўтирмай, англиялик офицерни ўлимга буюрган. Шу 
заҳоти жаллодлар офицернинг қўлини орқасига қайи-
риб, қатл майдонига олиб чиқишган. Ҳукм ўқилгач, офи-
цер бошини кунда устига қўйган. Жаллод ўткир қиличи-
ни унинг боши устида даст кўтарган. Худди шу аснода 
хотини эри унга Хитойдан совға сифатида олиб келган 
елпиғични эрининг бўйнига оҳиста теккизиб уни уйғот-
моқчи бўлган. Офицер эса қилич бўйнини кесяпти деб 
ўйлаган ва ҳали уйқусидан уйғонмай туриб, қўрқувдан 
жон таслим қилган.
Скотленд-Ярд терговчиси ҳужжатларни, гувоҳлар-
нинг кўрсатмалари билан пухта танишиб чиқади. Кейин 
эса офицернинг бевасини чақиради. Бева аёл олдинги 
кўрсатмаларини яна бир карра такрорлайди. Терговчи 
аёлга диққат билан тикилиб тургач, мийиғида кулимси-
райди.
– Сизнинг гапларингиз бошдан-оёқ уйдирма. Аслида 
нима бўлганини яширмасдан айтиб бермасангиз, ўзин-
гизга муаммо орттирасиз, миледи.
Шундагина аёл барчасини тан олишдан бошқа чораси 
йўқлигини тушунади ва асл ҳақиқатни баён этиб беради. 
Айтинг-чи, терговчи бева аёлнинг алдаганини қаер-
дан билган бўлиши мумкин?

---

Рустам Жабборов
36
Йигирманчи ҳикоя