Microsoft Word 11June2019 Jamila Avtoreferat docx

Тадқиқотнинг 
республика 
фан 
ва 
технологиялари 
ривожланишининг устувор йўналишларига мослиги. Тадқиқотлар 
республика фан ва технологиялар тараққиётининг V. «Қишлоқ хўжалиги, 
биотехнология, экология ва атроф-муҳитнинг муҳофазаси» устувор 
йўналиши доирасида бажарилган. 
Муаммонинг ўрганилганлик даражаси. Кузги буғдойни ўғитлаш 
тизимини такомиллаштириш борасида республикамизда Б.М.Холиқов, 
Р.И.Сиддиқов, Н.Халилов, Х.Н.Атабаева, Ж.С.Сатторов, М.М.Тошқўзиев, 
А.Ж.Боиров, Б.Атоев, Б.Азизов, буғдой ўсимлигининг азотли ҳолатини 
замонавий оптик сенсорлар ёрдамида тезкор аниқлаш ва экинда 
қўлланиладиган азот ўғити самарадорлигини ошириш борасида хориж 
олимларидан K.Girma, V.Singh, S.Samborski, I.Vidal, Zh.Chunjiang, 
R.F.Munoz-Huerta, L.Murdock ва бошқалар томонидан ўрганилган. 
Республикамизда барг ташхиси асосида замонавий оптик сенсорлар ёрдамида 
қўлланиладиган мақбул азот меъёрларини ишлаб чиқиш борасида етарлича 
тадқиқотлар олиб борилмаган. 
Тадқиқотнинг 
диссертация 
бажарилган 
олий 
таълим 
муассасасининг илмий-тадқиқот ишлари режалари билан боғлиқлиги. 
Диссертация тадқиқоти Бирлашган миллатлар ташкилотининг Таълим, фан 
ва маданият бўлими (UNESCO №509/UZB/2000), Германиянинг Бонн 
университетининг Ривожланиш тадқиқотлари маркази (ZEF №40200BMBF), 
Урганч давлат университети ҳамда Тошкент ирригация ва қишлоқ 
хўжалигини механизациялаш муҳандислари институти ҳамкорлигидаги 
«Хоразм вилоятида ер ва сувдан фойдаланишнинг иқтисодий ва экологик 
қайта қуриш» мавзусидаги халқаро лойиҳаси доирасида бажарилган.
Тадқиқотнинг мақсади Хоразм вилоятининг суғориладиган ўтлоқи 
аллювиал тупроқларида кузги буғдойда минерал ўғитлар меъёрларининг 
самарадорлигини аниқлаш ва моделлаштириш ҳамда барг ташхиси асосида 
кузги буғдойда азот ўғитини мақбул қўллаш меъёрларини ишлаб чиқишдан 
иборат.