Мажмуа 1 қисм

АННОТАЦИЯ 
 
Хушвақтов Б.О., Қурбонова У.Ў “Оқова сувларни оқизиш 
тармоқлари ва иншоотлари” фанидан амалий машғулот матнлари 
тўплами 5340400 – Муҳандислик коммуникациялар қурилиши таълим 
йўналишлари ҳамда шу соҳа мутахассислари фойдаланиши мумкин
учун. Амалий машғулот матнлари тўплами. – Самарқанд: СамДАҚИ, 
2015. – 70 бет. 
Ўқув амалий машғулот матнлари тўпламида 5340400 – 
Муҳандислик коммуникациялар қурилиши таълим йўналишларида 
таълим олаётган талабаларга “Оқова сувларни оқизиш тармоқлари ва 
иншоотлари” 
фанини 
ўқитиш 
бўйича 
замонавий 
таълим 
технологиялари, уларни ўқув жараёнига қўллаш бўйича услубий 
тавсиялар баён этилган. Ушбу тавсиялар дидактик тамойиллар, амалиёт 
машғулотларини ўтиш технологияларини ишлаб чиқишнинг усул ва 
воситалари, уларнинг муҳим белгиларидан иборат таълимни педагогик 
технология қоидаларини ҳисобга олган ҳолда лойиҳалаштирилган. 
Ушбу амалий машғулот матнлари тўплами олий таълим 
муассасалари ўқитувчилари ва талабалари, оқова сувларни оқизиш 
тармоқлари тизимига доир фанларни ўқитишда замонавий педагогик 
технологияларни 
қўллаш 
жараёнларига 
қизиқувчилар 
учун 
мўлжалланган. 
 
 
 
 
 
 
 

---

1 - АМАЛИЙ МАШҒУЛОТ 
Оқова сувларни оқизиш тизимларини лойиҳалаш ва улардаги элементлар. 
Режа: 
1. Оқова сувларни окизиш тармокларининг лойиҳалаш учун асосий керакли 
маълумотлар 
2. Оқова сувларни оқизиш тармоғидаги элементлар 
1. Оқова сувларни окизиш тармокларининг лойиҳалаш учун асосий керакли 
маълумотлар 
Лойиҳалаш, кўпинча икки ёки уч босқичда олиб борилади: лойиҳа - топшириқ, 
техник лойиҳа (асослаб берилганда) ва ишчи чизма. 
Лойиҳа - топшириқ чизма ва тушунтириш хатидан иборат. Ишчи чизма лойиҳа 
- топшириқ тасдиқлангандан кейин у асосида тайёрланади. Бу ишчи чизма асосида 
қурилиш - монтаж ишлари амалга оширилади. 
Лойиҳалаш учун қуйидаги маълумотлар зарур: 
1) жойнинг 20—25 км радиус атрофидаги ҳолатий режаси 1: 25000; 1: 50000 
масштабда; 
2) кўчалар ва кварталлар, шаҳарда қуриладиган биноларнинг қаватлари, санитария - 
техник жиҳатдан жиҳозланганлиги ва ҳоказолар кўрсатилган ҳолда шаҳар бош 
режаси 1: 5000 ёки 1 : 10000 масштабда, горизонтал чизиқлари Н 2 м оралиғида; 
3) саноат корхонасининг бош режаси 1 : 100 ёки 1 : 200 масштабда, саноат 
корхонасидаги ишчилар сони, ишлаб чиқариладиган маҳсулот турлари ва миқдори; 
4) яқин атрофда жойлашган сув ҳавзаларининг гидрогеологик ва геологик 
қийматлари, тупроқ тузилиши, ер ости сув сатҳи, унинг қуввати ва ҳоказолар; 
5) сув сарфини аниқлаш учун метеорологик қийматлар, аҳоли сони ва саноат 
корхоналари тўғрисида тўла маълумотлар бўлиши керак.