Мундарижа банк иши

2. Адабиётлар шарҳи. 
Бу борада америкалик олимлар Б.Нидлз, Х.Андерсон, Д.Колдуэлл маълумотларига 
мурожаат қиламиз: «Таннарх асосида баҳо шакллантириш консерватив бўлсада, баҳо 
белгилаш учун қулай ҳисобланади. Аввало, маҳсулот ишлаб чиқариш харажатларининг 
аҳамияти аниқланади. Сўнгра одатда эксплуатация сарфлари ва савдо сарфларини 
қоплаш харажатлари қўшилади. Ниҳоят, фойдани шакллантириш учун қўшимча 
қўшилади. Лекин харажатлар асосида белгиланган баҳо-таннарх (cost baed price) 
самарали баҳони аниқлашда фақат бирламчи қадам ҳисобланади. Шуни унутмаслик 
лозимки, маҳсулотлар таннархи - бу ҳар қандай бизнеснинг муҳим элементи-таннархни 
шакллантириш ва асослашда таянадиган зарур кўрсаткич ҳисобланади» (Қарор, 2018). 
Шунингдек, соҳага оид мавжуд илмий ва ўқув-услубий манбаларга мувофиқ: 
«балиқчиликда сотиладиган балиқлар ва урчитиш учун қолдирилган балиқлар таннарх 
объекти ҳисобланади. Урчитиш учун қолдирилган балиқлар қиймати балиқчиликдаги 
тугалланмаган ишлаб чиқаришга олиб борилади»(Қарор, 2018). 
 
МОЛИЯ ВА БАНК ИШИ
ЭЛЕКТРОН ИЛМИЙ 
ЖУРНАЛИ 
IV СОН. ИЮЛЬ - АВГУСТ, 2019 

---

59 www.journal.bfa.uz 
3. Тадқиқот методологияси.
Балиқчилик хўжаликларида биологик активлар ва тугалланмаган ишлаб чиқариш 
ҳисоби ҳамда ички назорати билан боғлиқ илмий-услубий ва амалий муаммоларни 
тадқиқ қилишда илмий-тадқиқот методологиясидаги мавжуд назарий ва эмпирик 
тадқиқот методларидан фойдаланилди. Жумладан, мавжуд норматив-ҳуқуқий базани 
ўрганишда мантиқий фикрлаш, индуктив-дедуктив ва далиллар тўплаш ҳамда 
муаммони қўйиш каби назарий тадқиқот методларидан фойдаланилди. Шунингдек, 
илмий адабиётлар, ҳужжатлар ва фаолият натижаларини ўрганиш, кузатиш, ўлчаш, 
бевосита объектларни кузатиш ва давр оралиғида тадқиқ қилиш каби эмпирик тадқиқот 
методлари қўлланилди. Булар мазкур мақола мавзуси доирасида ўтказилган 
тадқиқотларнинг методологик асосини ташкил этади.