T. Xudayshukurov

Tayanch iboralar: 
kostyum  va  kostyum  materiali;  bir  va  ikki  bortli  kostyum;  tugmalar; 
kostyum shimi; nimcha (jiletka). 
 
 
Nazorat savollari: 
1.  Kiyilishiga qarab biznesmen kostyumi qaysilarga bo’linadi? 
2.  Kostyum materiallariga qanday talablar qo’yiladi? 
3.  Bir va ikki bortli kostyumlar bir–biridan nima bilan farq qiladi? 
4.  Kostyum tugmalarining o’tkazilib yurilishi vaziyatlarga bog’liqmi? 
5.  Kostyum shimi va nimchasi (jiletkasi) qanday kiyilishi kerak? 
 
4.3.2. Erkak biznesmenlar ko’ynagi va galstugi 
 
 
Yuqorida  ta’kidlanganidek,  biznesmenlarning  ko’rsatib  o’tilgan  ish 
kostyumlari  ularga  munosib  bo’lgan  ko’ylak  va  galstuk  bilan  kiyiladi. 
Firma  kiyimlari  joriy  etilgan  biznes  korxonalarida,  bundan  oldin 
ta’kidlanganidek,  kostyumlar  bilan  kiyish  uchun    yengi  uzun  manjetli  va 
ko’krak  cho’ntagi  bo’lmagan  oq  va  och  havo  rangli  ko’ylak  tavsiya 
qilinadi.  Umuman  olganda,  ko’ylakning  rangi  biznes  korxonasida    qabul 
qilingan firma ish kiyimining ruxsat berilgan rangiga bog’liq bo’ladi. Ba’zi 
bir  biznes  korxonalarida  yo’l–yo’l  ko’ylak  kiyib  ishlashga  ham  ruxsat 
beriladi.  Faqat  shuni  e’tiborga  olish  kerakki,  oq  ko’ylak  kiyimga  va  ish 
sharoitiga tantalik kasb etsa, och havo rang ko’ylak esa ishga mansubligini 
ko’rsatadi. 
 
Ko’ylaklar  yoqalarining  uchlari  tugmaga  o’tkaziladigan  yoki 
o’tkazilmay-digan  bo’lishi  ham  mumkin.  Albatta,  birinchi  turdagi 
ko’ylaklar  nazokatli  ko’rinadi.  Ularni  ish    hamda  sport  kostyumlari  bilan 
ham kiyish mumkin. 
 
Guldor,  rasmli  va  rangdor  ko’ylak  hamda  galstuk  biznesmenlar 
to’g’risida faqat yengiltaklik imijini shakllantirish uchun xizmat qiladi. 

---

 
 
25 
 
Biznesmenlar ko’ylaklarini kiyishga ham qator talablar qo’yiladi. Bu 
yerda  ulardan  faqat  ikkitasi  keltiriladi:  birinchidan,  mayka  bilan  kiyilishi 
kerak,  chunki  mayka  ko’ylak  va  kostyumni  yomon  hiddan,  badanni  esa 
ko’ylak  materiali  bilan  bezovta  bo’lishdan  saqlaydi,  shuningdek,  mayka 
ustidan kiyilgan ko’ylakning shakli uzoq va yaxshi saqlanadi; ikkinchidan, 
ko’ylakning  yoqasi  ish  kostyumi  pidjagi  yoqasidan  1.0  –  1.5,  ko’ylak 
yengining  manjetkasi  esa  kostyum  yengidan  1.5  –  2.0  sm  chiqib  turishi 
lozim. 
 
Ta’kidlanganidek,  galstuk  biznesmen  kostyumi  ansamblini 
shakllantiradigan  asosiy  elementlardan  biri  hisoblanadi.  Uning  rangi 
kostyum  va  ko’ylak  ranglariga  qarab  tanlanadi.  Bundan  tashqari,  uning 
uzunligiga, kengligiga hamda bir xil rangliligiga ham e’tibor beriladi. 
 
Galstuk  ko’zga  yaqqol  tashlanadigan  rangli  yoki  guldor  bo’lmasligi 
kerak. Uning rangi kostyum rangidan biroz ochiqroq, ko’ylak rangidan esa 
biroz pastroq bo’lishi lozim. Uzunligi bo’yicha esa uning uchi shim kamari 
to’qasining ustiga tushib turishi lozim. Kostyum shimini podtyajka (tasma) 
bilan  kiyadigan  biznesmenlarning  galstugi  shimning  kamari  ustiga  tushib 
turadigan  bo’lishi  kerak.  Galstuk  kostyum  yoqalari  o’rtasida  ko’rinib 
turgan  ko’ylak  yuzasini  yopmasligi  kerak,  shuning  uchun  ham 
biznesmenlarga bir tonli va kengligi 7 – 9 sm bo’ladigan galstuklar tavsiya 
qilinadi.