F. I. Salomova, L. K. Abdukadirova, X. A. Sadullayeva, S. A. Sharipova mutaxassislikka kirish

1.3. Tibbiy ta’lim tizimida gigiyenaning tutgan o‘rni 
 
Tibbiy-profilaktika yo‘nalishidagi vrachlar uchun gigiyenik bilimlar 
uning mehnat faoliyatini asosini tashkil qiladi. Gigiyenik bilimlarga ega 
bo‘lmagan vrach, kasbga oid kasalliklarga umuman to‘g‘ri tashxis qo‘ya 
olmaydi, bemor uchun zaruriy bo‘lgan davolovchi-himoyalovchi tartibni 
yarata olmaydi, kasalxona ichi infeksiyasini oldini olish tadbirlarini 
ta’minlay olmaydi, bolalar va o‘smirlarning  o‘qitish va tarbiyalash 
sharoitlarini tashkil etilganligini baholay olmaydi va h.k. 
Profilaktik yo‘nalishni sxematik ravishda sanitariya qonunchiligiga 
amal qilish, tashqi muhitni sog‘lomlashtirish, emlash, ayrim gigiyenik 
tadbirlar bilangina belgilash noto‘g‘ri bo‘lar edi. Profilaktik yo‘-
nalishni amalga oshirish insonni o‘rab turgan tashqi muhitni, aholining 
turmush sharoitini, ularning salomatligini mustahkamlash va faol 
uzoq  umr ko‘rishni ta’minlash maqsadida sog‘lomlashtirish yotadi. 

---

15 
 
Bu esa o‘z  navbatida yuksak umuminsoniy qadriyatlarga asoslangan 
hayotiy  o‘rniga ega bo‘lgan ma’naviy boy, axloqan yetuk, intellek-
tual rivojlangan, har tomonlama kamol topgan shaxsni shakllan-
tirishga yo‘naltirilgan keng ko‘lamli chora-tadbirlarni amalga oshi-
rishni taqozo etadi. 
Gigiyenaga doir bilimlarsiz hech bir shifokor aholi o‘rtasida sanitar 
bilimdonlikni oshirishga doir hal qilinadigan tadbirlarni bajara olmaydi, 
aholi o‘rtasida atrof-muhitda bor bo‘lgan barcha omillarni inobatga olib 
sog‘lom turmush tarziga doir tushunchalarni shakllantira olmaydi. 
Gigiyenaning zamonaviy muammolari quyidagilar hisoblanadi: 
-  atrof-muhitning  o‘zgarib turuvchi omillarini baholash va ularni 
me’yorlashtirish; 
- aholining ovqatlanishini optimizatsiyalash; 
- urbanizatsiyaga taalluqli bo‘lgan muammolarni hal etish; 
- sanoat korxonalaridagi mehnat sharoitlarini sog‘lomlashtirish bo‘-
yicha tadbirlarni ishlab chiqish (shu jumladan kichik va o‘rta korxo-
nalarda), qishloq xo‘jaligida xizmat qiladigan ishchi va xizmatchilarning 
mehnat sharoitlarini (shu jumladan fermer xo‘jaliklari) sog‘lomlash-
tirishga doir tadbirlar majmuasini ishlab chiqish; 
- qishloq gigiyenasi muammolari (shu jumladan xususiylashtirish); 
-  bolalar va o‘smirlarning akseleratsiyasiga doir bo‘lgan muammo-
lari; 
-  gigiyenaning maxsus savollari bo‘lgan, aholi o‘rtasidagi xavfli 
o‘sma kasalliklari, yurak-tomir sistemasi kasalliklarining darajasini 
kamaytirish  tadbirlari.