Z islomov, D. Rahimjonov, J. Najmiddinov

MAǴLÍWMAT  USHÍN
Buddanıń  ómiri  menen  baylanıslı  kóplegen  waqıyalarǵa  ápsanalıq  tús  be-
rilgen.  Tiykarınan,  ráwiyatlardan  birinde  keltiriliwinshe,  Budda  84  márte 
ruwxanıy,  58  márte  patsha,  24  márte  monax  (din  xızmetkeri),  13  márte 
sawdager,  18  márte  maymıl,  12  márte  tawıq,  8  márte  ǵaz,  6  márte  pil, 
sonday  aq  balıq,  qurbaqa,  tıshqan,  qoyan  túrinde,  550  márte  qayta  tirilgen. 
Sońǵı  márte  qudaylar  onı  insaniyattı  tuwrı  jolǵa  baslaw  ushın  insan  túrinde 
jaratqan.
Ámiwdáryadan 
tabılǵan altın 
háykelshe

---

40
1961-jılı  izertlew  ekspediciyası  nátiyjesinde  Qara 
tóbe  imaratlarınıń  úsh  qabatı  tabılǵan.  Tiykarǵı 
komplekstiń  úsh  bólimi  batıstan  shıǵısqa  qaray  der-
lik  tuwrı  tartılǵan.  Arnawlı  háwlide  Budda  qábiriniń 
tımsalı  bolǵan  «Stupa»  ornatılǵan.
Fayaztóbe.  Qaratóbe  shıǵısınan  seksen  metr 
uzaqlıqta  Fayaztóbe  ibadatxana-monastr  kompleksi 
anıqlandı. Fayaztóbe ibadatxanası tuwrı tórt múyesh-
ten  ibarat  dúziliske  iye.
Imarat  úsh  teń  bólimlerge  bólingen  bolıp,  olardıń 
hárbirinde  ishki  háwli  bolǵan.  Bir  bólimi  tiykarınan 
jasaw  xanasın  óz  ishine  alǵan  monastr  bolǵan. 
Onda  din  xızmetkerleri  jasaǵan.  Onnan  tısqarı 
awqatlanatuǵın xana, asxana, nan jabatuǵın xana usa-
ǵan  qosımsha  xanalar  bolǵan.  Úshinshisi,  ibatxanaǵa 
usaǵan  oraylıq  xana.  Diywalları  qam  gerbish  hám 
paxsadan  qurılǵan  bolıp,  sabanlı  ılay  menen  sıbalǵan 
hám  háklengen.
Dalvarzintóbe.  Surxandárya  wálayatı,  Shorshı 
rayonında  jaylasqan.  Buddizmge  tiyisli  bul  estelik 
1962-jılı  anıqlanǵan.
Usı  áyyemgi  qaladan  tısqarıda  da  jáne  bir  bud-
dizmlik  ibadatxanası,  vino  tayarlaw  qurılmaları  hám 
de  jerlew  ornı  tabılǵan.
Bul  qalashadan  Oraylıq  Aziya  aymaqlarında  bi-
rinshi  márte  ılaydan  jasalǵan  jaqsı  saqlanǵan  Bud-
da  hám  basqa  kóplegen  háykelsheler,  bezewler,  diniy 
máresim  buyımları  hám  teńgeler  tabılǵan.
Budda. Qaratóbe,  
b.e.sh. III-ásir
Budda. Dalvar-
zintóbe, b.e.sh. 
III-ásir