# 3-son 2019. indd

“XALQ TA’LIMI” ilmiy-metodik jurnali. 2019. № 3.   www.xtjurnali.zn.uz
−
ta’limda boshqaruv organlari rahbarlari o‘zlari mas’ul bo‘lgan soha va tarmoq-
da ishlarning ahvolini tanqidiy baholash asosida zimmaga yuklatilgan vazifalarni tahlil 
qila olishlari zarur;
−
kadrlar bilan muloqotni yo‘lga qo‘yishning yangi samarali usul va mexanizmla-
rini tatbiq qilish, jumladan, xodimlar oldida hisob bera olishlari;
−
‘‘Xalq davlat idoralariga emas, davlat idoralari xalqimizga xizmat qilishi kerak’’, 
degan tamoyilni amalda qaror toptirish ta’lim sohasiga ham taalluqlidir.
Endi ta’limda zamonaviy rahbar boshqaruvidagi muloqot madaniyati xususida so‘z 
yuritish o‘rinli. Bunda rahbar muloqotining muhim qismi bu shaxsiy javobgarlik va o‘z 
faoliyatiga va jamoa faoliyatining ayrim kamchiliklariga to‘g‘ri munosabatning shakl-
langanligidir. Ya’ni, faoliyatga nisbatan to‘g‘ri munosabat shakllansa, kamchiliklardan 
tegishli xulosalar chiqaradi, yutuqlardan esankiramaydi, aksincha u o‘z faoliyatining 
yangi-yangi qirralarini izlashga harakat qiladi. Buning barobarida esa rahbarda intilish, 
izlanuvchanlik, ijodkorlik hissi shakllanadi, muammolarni yechishga imkon topadi.
Bugungi kun rahbarlari va ular faoliyatiga qo‘yilayotgan muhim talablardan biri, bu, 
shubhasiz,  ‘‘2017–2021-yillarda  O‘zbekiston  Respublikasini  rivojlantirishning  besh ta 
ustuvor yo‘nalishi bo‘yicha Harkatlar strategiyasi’’da aks etgan vazifalardir. Jumladan, 
uning birinchi yo‘nalishi ‘‘davlat va jamiyat qurilishini isloh qilish’’, deb nomlanishi-
ning o‘ziyoq mamlakatimizda boshqaruv kadrlarini shakllantirish borasida o‘ziga xos 
yangicha tizim shakllanib kelayotganligidan dalolatdir. Xususan, unda fuqarolarning 
murojaatlarini haqqoniy ko‘rib chiqish va ular manfaatlarini qonuniy hal etish borasida 
qator usuvor vazifalar belgilanganligi fikrimiz tasdig‘idir. ‘‘Fuqarolarning murojaatlari-
ni o‘z vaqtida hal etish, murojaatlarni ko‘rib chiqishda sansalorlik, rasmiyatchilik va 
loqayd munosabatda bo‘lish holatlariga yo‘l qo‘yganlik uchun javobgarlikning muqar-
rarligini ta’minlash, shuningdek, buzilgan huquqlarni tiklashning barcha zarur chorala-
rini ko‘rish muhim ahamiyat kasb etadi’’, deyiladi ‘‘Harakatlar strategiyasi to‘g‘risida’’gi 
Farmonda.
3
Bir so‘z bilan aytganda, jamiyatimizda kechayotgan muhim islohotlar barcha so-
halar qatori ta’lim tizimida faoliyat yuritayotgan zamonaviy rahbar kadrlar oldiga ham 
muhim talablarni qo‘ymoqda. Bu esa ulardan yanada tashabbuskor bo‘lishni, bugungi 
kun o‘zagarishlari bilan hamohang yashashni, o‘z ustida tinimsiz ishlashni, yetarli ilmiy 
salohiyatga ega bo‘lishni, o‘ziga va jamoaga nisbatan talabchan bo‘lishni taqozo et-
moqda. Bunday xususiyatlar, shubhasiz, kelajakda sohani yanada tarqqiy toptirishda 
muhim ahamiyat kasb etadi.