# 3-son 2019. indd

“XALQ TA’LIMI” ilmiy-metodik jurnali. 2019. № 3.   www.xtjurnali.zn.uz
Oila psixologiyasi fanining vazifasi – oila psixologiyasiga doir eng muhim bilim-
larni berish va ular asosida tegishli malakalar, ko‘nikmalarni shakllantirib, yoshlarni 
oilaviy hayotga tayyorlashdir. Oilanining shaxsni shakllanishidagi roli haqida yoshlarga 
tasavvur berish, oilaviy hayotda kuzatiladigan o‘zgarishlar haqidagi ilmiy bilimlar bilan 
tanishtirish, oilaviy hayotda bo‘ladigan muammolar, qonuniyatlar haqida ilmiy tasavvur 
bilan tarbiyalash, ularni bu jarayonlarga tayyorlash, oilaviy hayotda yuzaga keladigan, 
muammolarga konstruktiv tus berishga, destruktiv yo‘nalishlardan saqlanishga o‘rga-
tish, muammoli vaziyatlardan psixologik jihatdan oqilona chiqish malakalarini o‘rga-
tish, oilaning mustahkamligini ta’minlovchi bilim va malakalarini shakllantirish, oilaviy 
muloqatga tayyorlash, oilani rejalashtirishga o‘rgatish kabi vazifalar o‘quvchilarga beri-
lishi ko‘zda tutilgan. Insonning tirik mavjudot sifatida harakatda bo‘lish turli ehtiyoj larni 
amalga oshirishni taqozo etadi. Ulardan ba’zi birlari mustaqil amalga oshirilsa, ba’zila-
rini esa faqatgina kim bilandir birgalikda amalga oshirish mumkin. 
Oila psixologiyasi bo‘yicha chet el psixologlari tomonidan juda katta izlanishlar 
qilingan. Sharq mutafakkirlarining asarlarida ham ko‘plab ibratli, kuzatish va tajribalar 
asosida chiqarilgan xulosa va tavsiyalar mavjud. Shunga qaramasdan ushbu fan ye-
tarli darajada tan olinmagan va metodik tomondan ta’minlanganligi ham kam darajada 
bo‘lgan. Hatto fanning ushbu tarmog‘iga kelajagi yo‘q va mustaqil fan emas degan no-
pisandlik bilan qarashlar ham bo‘lgan. Buni quyidagicha izohlash mumkin: oilani o‘rga-
nish bo‘yicha eksperimental metodikalarni qo‘llanalishi qiyin kechishi, shaxsiy tajriba-
lar ishonarli emasligi, so‘rovnoma metodlarini ishonchliligi kabi va hokazo. Psixologik 
bilimlar fundamental fanga asoslangan holda, ya’ni shaxs, faoliyat, guruhlar, psixik 
rivojlanish qonuniyatlariga tayanadi.