O ramazonov, S. S. Buriyev meliorativ tuproqshunoslik

4. Yuvilmaydigan suv rejimi – namlanish  koeffitsienti 1—0,7 ga teng 
bo‘lgan  kashtan,  qora  tuproqlar.  Bunday  tipdagi  suv  rejimida  tuproq  - 
grunt  qatlamlari  sizot  suviga  qadar  hech  qachon  yuvilmaydi.  Demak, 
yog‘inlar  hisobiga  namlik  tuproqning  yuqori  qatlamlarida  to‘planib,  sizot 
suviga qadar yetib bormaydi. 
5. Terlama suv rejimi – namlanish koeffitsienti taxminan 0,7 ga teng 
bo‘lgan cho‘l mintaqalardagi qo‘ng‘ir, bo‘z tuproqlar. Chala cho‘l va cho‘l 
mintaqalarining  sizot  suvlari  yaqin  bo‘lgan  sharoitda  terlaydigan  suv 
rejimi  yuzaga  keladi.  Kapillyarlar  orqali  ko‘tarilayotgan  suv  fizik 
bug‘lanib,  tuproq  go‘yo  terlagandek  bo‘lib  turadi.  Tuproq  vа  o‘simlikdan 
bug‘lanayotgan  suv  miqdori,  tushayotgan  atmosfera  yog‘iniga  nisbatan 
ancha  ko‘p  bo‘ladi.  Sizot  suvlari  minerallashganda  tuproqda  suvda  oson 
eriydigan tuzlar to‘planib, tuproq sho‘rlanadi.