Муҳаммад Али ас-Собуний пайғамбар соллаллоҳУ

---

 
1
 
 
 
 
Муҳаммад Али ас-Собуний
 
 
ПАЙҒАМБАР СОЛЛАЛЛОҲУ 
АЛАЙҲИ ВА САЛЛАМНИНГ 
ХОТИНЛАРИ КЎПЛИГИ 
АТРОФИДАГИ
БЕҲУДА ГАПЛАР ВА ШУБҲАЛАР 
 
(Таржимон: Ҳамидуллоҳ Беруний) 
Тошкент-2016 

---

 
2
 
Муҳаммад Али ас-Собуний. Пайғамбар соллаллоҳу алайҳи ва 
салламнинг хотинлари кўплиги атрофидаги беҳуда гаплар ва 
шубҳалар / Таржимон: Ҳамидуллоҳ Беруний. – Тошкент: 2016. – 35 б.
Давримизнинг таниқли ҳанафий олими Муҳаммад Али ас-
Собуний раҳимаҳуллоҳ қаламига мансуб “Шубуҳот ва аботил ҳавла 
тааддуд аз-завжот ар-Расул” (“Пайғамбар соллаллоҳу алайҳи ва салламнинг 
хотинлари кўплиги атрофидаги беҳуда гаплар ва шубҳалар”) деб номланган 
рисоласида Пайғамбаримиз Муҳаммад Мустафо соллаллоҳу алайҳи ва 
салламнинг кўп хотин олишларининг сабаблари ақлий ва нақлий далиллар 
билан тушунтирилган. Душманларнинг таъна ва беҳуда гапларига, 
кўпхотинлик борасидаги бўлмағур шубҳаларга раддиялар берилган. 
Шунингдек, рисолада Расулуллоҳ соллаллоҳу алайҳи ва салламнинг 
хотинлари тўғрисида маълумотлар келтирилган. Рисоланинг асли араб 
тилида бўлиб, Маккаи мукаррамада 1980 йилда (56-бет) нашр қилинган. 
Мазкур рисола, аслида, маъруза ўлароқ тайёрланиб, ҳижрий 1390 
йили зулҳижжа ойининг илк кунида Маккаи мукаррамадаги Ислом олами 
робитаси қароргоҳида мутахассислар гуруҳига ўқиб эшиттирилган.
 
 
 

---

 
3
 
БИСМИЛЛАҲИР РАҲМОНИР РАҲИЙМ 
Аллоҳга ҳамду сано айтамиз, яратганларининг энг сафолиси 
бўлган саййидимиз Муҳаммадга ҳамда унинг оилалари, саҳобалари ва 
уларга эргашганларга қиёмат кунигача эҳсон бўладиган салом ва раҳматлар 
айтамиз. Шундан кейин: 
Сизларга Аллоҳ таолодан бўладиган муборак, покиза табрик 
ўлароқ ислом саломини етказиб қоламан. Аллоҳ таолодан эса 
қалбларимизни ўзининг муҳаббати, розичилиги устига жам қилмоғини 
сўраб қоламан. Бизларга тавфиқ ва ихлосни ҳамда сўз ва амалда 
тўғриликни насиб айласин. Бизларга имон камолотини, ишонч садоқатини 
ризқ қилиб берсин. Зотан, У дуоларни ижобат қилувчи, эшитувчидир!