Maktabgacha ta`lim

7.3. Ertalabki vaqt bo’lagi va sayrni rejalashtirish 
 
Sayr  -  tomoshaga  mashg’ulotning  o’ziga  xos  turi    sifatida    qarash    mumkin.     
Mashg’ulotlarda  bo’lgani  kabi  sayr  -  tomoshada  ham  dastur  mazmunida   
aniqlashtiriladigan ta`limiy rivojlantiruvchi va tarbiyaviy vazifalar qo’yiladi hamda 
hal etiladi. Mashg’ulotlarda bo’lgani kabi sayr - tomoshada barcha yosh guruhidagi 
bolalar  ishtirok  etadilar.  Biroq  sayr  -  tomoshani  tashkil  etishning  o’ziga  xos 
xususiyati,  bolalar  faoliyatining  mazmuni,  shuningdek,  uning  ta`limiy  ish 
tizimidagi  o’rni,  sayr  -  tomoshani  maktabgacha  ta`lim  muassasasisida  ta`limni 
tashkil etishning o’ziga xos yalpi shakli sifatida qarab chiqishga ehtiyoj uyg’otadi   
(E. I. Tixeeva). 
Sayr - tomosha bolalar bilan olib boriladigan ta`limiy ishning tashkiliy shakli 
sifatida  paydo  bo’lgan  va  maktablarda  tabiiy  fanlarni  o’rganishda  (jug’rofiya, 
botanika,  zoologiya,  keyinroq  tabiatshunoslikni)  keng  qo’llanilib  kelingan.  Biroq 
bolalarning sayr - tomoshadagi bilish faoliyati tabiati hayotiy hodisalarni bevosita 
idrok  etishi,  kuzatishi  maktabgacha  tarbiya  yoshidagi  bolalar  uchun  ham  xosligi 
isbotlandi.  Sayr  -  tomoshada  turli  umumlashganlik  darajasidagi  tasavvurlar 
shaklida shakllantiriladigan buyumlar maktabgacha tarbiya yoshidagi bolalar bilan 
olib boriladigan ta`limiy ishlar dasturi talablariga javob beradi. Bo’larning barchasi 
sayr - tomoshani bolalar    maktabgacha ta`lim muassasasisidagi tashkil etiladigan 
ta`limning  muhim  shakliga  aylangirgan.  Sayr  -  tomoshadan  bolalarni  tabiat  bilan 
tanishtirishda  keng  foydalaniladi.  U  yilning  turli  mavsumida  o’rmonda  istirohat 
bog’ida, o’tloqda, suv havzasida o’tkaziladi. Sayr - tomosha bolalarni kattalarning 
xilma  -  xil  mehnati,  ularning  mehnat  natijalari  bnlan  tanishtirish,  arzirli  ijtimoiy 
voqea  va  hodisalar  bilan  tanishtirish  uchun  ham  uyushtiriladi.  Sayr- 
tomoshalarning muhim ahamiyati shundan iboratki, ular bolalarda atrof-muhitdagi 
hayot haqida aniq tasavvur va taassurotlarning shakllanishini ta`minlaydi. SHunga 
muvofiq  sayr  -  tomoshada  foydalaniladigan  asosiy  metod  kuzatish  hisoblanadi, 
sayr  -  tomosha  davomida  unga  bir  kecha  marta  ehtiyoj  tug’iladi.  YAlpi  kuzatish 
sayr tomoshaning asosiy tuzilish qismini tashkil etadi. Sayr - tomosha maqsadi va 
aniq  mazmunga  qarab  tabiiy  narsalarni  yig’ish  va  mustaqil  kuzatishga  vaqt 
ajratiladi.  Unga  kuzatiladigan  ob`ektlarning  sifati  haqidagi  tasavvurlarni 
aniqlashga  yoki  mustahkamlashga  yordam  beradigan  o’yin  mashqlari  ham 
kiritiladi. Sayr - tomosha davomida tarbiyachn izohlar beradi, ba`zan esa, bolalarga 
kuzatilayotgan narsalar haqida hikoya qilib ham beradi. Bolalarni kattalar mehnati 
bilan  tanishtirilayotganda  ular  bilan  odatda,  mehnati  kuzatilayotgan  xodim 
suhbatlashadi.  Agar  imkoniyat  ko’tarsa,  sayr-tomosha  paytida  bolalarni  ozgina 
muddat bo’lsa ham kattalar mehnati bilan shug’ullantirish (mollarga ovqat berish, 
narsalarni tashish va hokazo) foydadan holi bo’lmaydi. 
Sayr - tomoshaga bolalarga beriladigan xilma - xil topshiriqlarning kiritilishi, 
u yoki bu metodlardan foydalanish asosiy vazifa - kuzatiladigan ob`ektlar haqidagi 
yorqin ko’tarinki va tiniq tasavvurlarni ta`minlash talabiga javob berishi lozim. 
Sayr  -  tomoshada  asosiy  ob`ektlarni  idrok  etish  bolalardan  diqqatlilikni, 
uyushgan  xulk  -  atvorni  talab  qiladi.  Zotan  bolalar  rang  -  barang  ob`ekt  va 
xodisalar,  ba`zan  tanishtirish  uchun  rejalashtirilmagan  narsalarga  duch  keladilar. 

---

 
81 
Bo’larning barchasi sayr - tomosha o’tkazishda muayyan qiyinchiliklar tug’diradi 
va tarbiyachidan uni o’tkazishga puxta tayyorgarlik ko’rishni talab qiladi. 
Sayr  -  tomoshani  o’tkazish  uchun  odatdagi  mashg’ulotdan  keng  ko’lamli 
ta`limiy  vazifa  tanlab  olinadi,  u  kuzatuvchanlikni,  qiziqishni,  ijobiy  munosabatni 
rivojlantiruvchi va tarbiyalovchi mazmunga ega bo’lishi mumkin va hokazo. 
Ta`limiy  vazifalarning  aniq  mazmuniga  qarab  sayr  -  tomosha  yo’nalishi, 
tuzilishi  ishlab  chiqiladi,  metodlari  belgilanadi.  Sayr  -  tomosha  o’rnini 
belgilayotganda  uning  bolalar  muassasasida  uzoq  -  yaqinligini  ham  hisobga 
olinishi kerak. Sayr - tomosha joyiga olib boradigan yo’l toliqtiradigan bo’lmasligi 
lozim. 
Sayr  -  tomoshaga  tayyorgarlik  ko’rishda  bolalar  to’plashi  mumkin  bo’lgan 
narsalar  belgilanadi,  materialni  tashib  yurish  uchun  ham,  uni  keyin  joylashtirish 
uchun ham tegishli anjomlar hozirlanadi. 
Bolalarning sayr - tomoshaga qiziqishini uyg’otish maqsadida oldindan xabar 
qilinadi. Bolalar bilan suhbatlashish chog’ida bo’lajak sayr - tomoshaning maqsadi 
yoritiladi, uning taxminiy mazmuni («nimalarni ko’rishimiz mumkin») muhokama 
etiladi. Bolalar kerakli anjomlarni tayyorlashga jalb etiladi. Sayr  - tomoshadan sal 
oldin  qisqacha  suhbat  o’tkazilib,  unda  bolalarning  kuzatilajak  ob`ektlar  haqidagi 
tasavvurlari  jonlantiriladi,  maqsad  aniqlanadi,  anjomlar  taqsimlanadi.  Bolalarga 
sayr - tomoshada o’zni tutish qoidalari aytiladi yoki eslatiladi. 
Sayr  -  tomoshaning  borishiga  aniq  rahbarlik  qilish  uni  o’tkazish  jarayonida 
foydalaniladigan  metodlar  bilan  bog’liqdir.  Bunda  bolalarni  uyushtirish  alohida 
e`tiborni talab qidadi. Tarbiyachi har gal kuzatish o’tkazar ekan, kuzatish ob`ektini 
bolalarga  barobar  ko’rinadigan  qilib  joylashtiradi.  Tarbiyachi  tomonidan  xilma  - 
xil  usullarning  qo’llanilishi  aqliy  faollik  uyg’otadi  va  kuzatishga  qiziqishni 
oshiradi.  Bolalarga  alohida  -  alohda  topshiriqlar  ham  beriladi.  Ob`ektlarni  turli 
sharoitlarda  ko’p  martalab  idrok  qilish,  topshiriqlarni  uncha  katta  bo’lmagai 
hajmdagi  mazmunda  almashlab    turish    sayr-  tomoshaning  muvaffaqiyatini 
ta`minlaydi. 
Sayr - tomoshada olingan tasavvurlarni chuqurlashtirish va mustahkamlashga 
oid keyingi ishlar mashg’ulotlar tizimida va kundalik hayotda: tasviriy faoliyatda, 
qurish  -  yasashda,  hikoya  qilib  berishda,  bolalar  mehnatida  amalga  oshiriladi. 
Mashg’ulot so’ngida yakuniy suhbat o’tkaziladi. 
Sayr  -  tomosha  o’qitishni  tashkil  etishning  murakkab  shakli  sifatidagi  tabiati 
uni  faqat  o’rta  va  katta  tarbiya  yoshndagi  guruhida  qo’llanishni  taqozo  etadi. 
Kichik tarbiya yoshidagi bolalar bilan olib boriladigan o’ziga xos sayr- tomoshalar 
xona  ichida  va  maktabgacha  ta`lim  muassasasisi  xududida  o’tkaziladi.  Ular 
tarbiyachi  rahbarligida  yalpi  kuzatishdan  iborat  bo’ladi.  Ularning  davomiyligi  va 
mazmuni juda qisqa bo’lishi lozim. 
Tarbiyachi   kun   bo’yi  o’qitishni   bolalarni  tashkil  etishning    xilma - xil   
shakllaridan  foydalangan  holda  amalga  oshirish    imkoniyatiga  ega    bo’ladi.  Sayr 
vaqtida    tabiat  hodisalarini,  kattalar  mehnatini  bolalar  bilan  yalpi  kuzatish 
o’tkaziladi.  Vaqt  -  vaqti  bnlan  kunning  ikkinchi  yarmida  tarbiyachi  bolalarga 
ularga ma`lum, ular sevib qolgan adabiy asarlarni o’qib beradi. Kundalik hayotda 
bolalar  bilan  turli  metodlardai  foydalanib  olib  boriladigan  ta`limiy  ishlar  barcha 

---

 
82 
hollarda uning asosiy shakli - mashg’ulot bilan uzviy bog’liqdir. Bunda ikki vazifa 
hal  etiladi:  keyinroq  mashg’ulotlarda  qo’llaniladigan  tasavvurlar  yoki  harakat 
tajribasining  oldindan  to’plalishi  yoki  ko’nikma  va  malakalarni  ishlab  chiqish, 
mashg’ulotlarda oliigan tasavvurlarni mustahkamlash. 
Shu  maqsadlarda  kundalik  pedagogik  jarayonda  o’qitishning  bolalarning 
uncha  katta  bo’lmagan  miqdorini  qamrab  oluvchi  guruhli  shakli  qo’llaniladi. 
Bunda  avtodidaktik  o’yinlardan  ko’proq  foydalaniladi  (aqliy  ko’nikma  va 
malakalarni  ishlab  chiqish,  bilimlarni  mustahkamlash  va  aniqlashtirish  uchun). 
O’qitishning  guruhli  shaklida  o’sha  bolalar  yoki  boshqalari  bilan  xilma  -  xil 
alohida  -  alohida  mashqlar  olib  boriladi.  O’qitishning  alohida  va  guruhlash 
shakllaridan  foydalanish  uning  tabaqalanishini  bolalar  o’quv  -  bilish  faoliyati 
rivojlanishining  darajasini  birmuncha  aniqroq  hisobga  olishni  va  ularning 
mashg’ulotlardagi o’qitish jarayoniga faol kirishishini ta`minlaydi. 
Ta`lim  shakllaridan  biri  didaktik  o’yin  hisoblanadi.  U  avvalo  kundalik 
hayotda  bilimlar,  ko’nikma  va  malakalarni  mustahkamlash  uchun  ham,  yangi 
mazmunini o’zlashtirish chog’ida ham foydalaniladi. Biroq qator hollarda ayniqsa, 
maktabgacha  ilk  va  maktabgacha  kichik  yoshdagi  guruhlarda  mashg’ulotlar 
didaktik o’yin shaklini kasb etadi. 
Muloqot  5  -  7    yoshli  bolalar  hayotida  katta  o’rin  egallaydi;  bolaning   
kayfiyati,  faolligi  va  faoliyati  uning  tengqurlari  bilan  muloqotdagi      ehtiyojlari 
qanday qondirilishiga bog’liq bo’ladi.  maktabgacha katta yoshdagi bolalar uchun 
muloqotning  kengligi,  tashabbuskorlik,  muloqotning  ishga  va  shaxsga  oid  tabiati 
xosdir.  Ammo  shu  bilan  birga  nizolar  ham  bo’lib  turadi.  Tarbiyachi  har  bir  bola 
jamoani  tarkpb  toptirish  vositalaridan  biri  bo’lgan  muloqot  madaniyatini  egallab 
olishi uchun bolalarning o’zaro munosabatlariga rahbarlik qilishi kerak. 
Bolalarning  guruhdagi  faoliyatining  jamoa  shakl.idagi  faoliyatiga  aloqador 
hayotlarini  tashkil  etish  muloqotning  har  xil  ko’rinishlari  ish  va  shaxsga  oid 
shakllarini  rivojlantirishga  yordam  beradi.  Bolalar suhbatga kirishadilar,  taassurot 
va  fikr  almashadilar,  rollarni  taqsimlashni,  o’yin  mazmunini,  ishlarini  muhokama 
qiladilar  va  shu  kabilar.  Bolalarning    katta      yoshlilar    bilan  muloqotlari  xilma  - 
xildir. 
Katta  maktabgacha  tarbiya  yoshidagilarnnng  tarbiyaviy  vazifalari  quyidagi 
xulq  madaniyatini:  katta  yoshlilar  va  tengqurlar  bilan  osoyishta  va  xolisona 
muloqotda  bo’lish,  nizoli  vaziyatlarda  o’zini  to’g’ri  tutish  madaniyatini 
shakllantirishni  birinchi  navbatda  ilgari  suradi.  Tarbiyachi  muloqot  madaniyatini 
shakllantirishda  etakchi  o’rinni  egallaydi.  U  bolalarni  muloqot  qoidalari  va 
xushmuomala muloqot qilish usullari bilan tanishtiradi. 
Ertalab va kechki paytlarda bolalarning muloqotda bo’lishi uchun eng qulay 
sharoitlar  yaratiladi.  Tarbiyachi  avvalo  yolg’iz  o’ynayotgan  bolalarga  murojaat 
kiladi  va  ularga  nima  qilish  va  nima  deyish  kerakligini  aytib,  birlashishni  taklif 
etadi:  «Olyani  oldiga  borganda,  uni  o’zing  bilan  «maktab-maktab»  o’ynashga 
taklif et, unga o’yinchoqlarni qaerdan olishni ayt». 
Pedagog  o’z  guruhidagi  bolalarning  o’zaro  munosabatlarini  hisobga  olib, 
muloqotga  oson  kirishadigan  faol  bolalar  ham,  uyatchan  bolalar  ham  o’zlarini 
yaxshi  his  qiladigan  bolalar  jamoasini  tashkil  etadi.  Masalan,  u  uyatchan  va 

---

 
83 
tortinchoq  bolalarga  ularni  tengqurlari  va  katta  yoshlilarga  ko’proq  murojaat 
qilishga  undab,  so’rash,  tushuntiring,  o’z  kuzatishlarini  gapirib  berish  qabilidagi 
topshiriqlarni  beradi.  Muloqotga  rahbarlik  qilishda  tarbiyachi  bolalarning  faqat 
ularni  o’zlarigagina  xos  bo’lgan  xususiyatlarini  ham  hisobga  oladi.  Muloqot 
madaniyatini  tarbiyalashning  muhim  vositasi  katta  va  kichik  guruh  bolalari 
faoliyatining jamoa shakllarini tashkil etilishidir. 
Katta  va  tayyorlov  guruh  bolalarining  turmushini  tashkil  etish  barqaror 
tabiatga  egadir.  U  turli  bayram  ertaliklari,  sayr  -  tomoshalar  va  yozda  turistik 
safarlarni o’tkazishda qismangina o’zgaradi. 
Kunning ikkinchi yarmini rejalashtirish. Kechki mashg’ulotlar faqat ilk yosh 
guruxlar  bilan  o’tkaziladi.  Ularni  didaktik  o’yinlar  shaklida  o’tkazishni  ko’proq 
rejalashtirish  kerak.  Mazmun,  odatda,  bilim  va  ko’nikmalarni  mustahkamlash 
maqsadida takror beriladi. 
Kunning ikkinchi yarmidagi rejaning asosiy  mazmuni turli o’yinlar, bolalar 
mehnati va mustaqil badiiy faoliyatlariga rahbarlikdir. Bu ish, odatda, kichik yosh 
guruhlari  bilan  yoki  yakka  tartibdagi  ish  tarzida  rejalashtiriladi.  Faoliyatga 
rahbarlik vazifalari, uyushtirish shakllari, ayrim usullar ko’rsatiladi. 
Kunning  ikkinchi  yarmida  vaqti  -  vaqti  bilan  ko’ngilochar  o’yinlar, 
bolalarning tug’ilgan kunlari, o’yin - dramalashtirishlarni o’tkazish va qo’g’irchoq 
teatrini  qo’yish  va  ko’rish,  shuningdek,  qo’l  mehnati,  kitoblarni  elimlash, 
o’yinchoqlar yasash rejalashtiriladi. 
 
 
Nazorat savollar:  
 
1.  Mashg’ulot jarayoni va unga qo’yiladigan talablarni siz qanday izohlaysiz? 
2.  Ta`limning o’ziga xos xususiyatlarini tushuntiring. 
3.  Guruxlar  bo’yicha  ertalabki  vaqt  bo’lagini  rejalashtirishga  qaysi  jarayonlar 
asos qilib olinadi va ularni izohlab bering. 
4.  Sayrni rejalashtirishga qaysi jarayonlar asos qilib olinadi va bo’lar qaysila? 
 
Adabiyotlar: 
 
1.  O’zbekiston Respublikasi Konstitutsiyasi. Toshkent 1992 y 
2.  Ta`lim to’g’risidagi qonun. Toshkent 1997 y. 
3.  Kadrlar tayyorlash milliy Dasturi. Toshkent. 1997 y. 
4.  O.U.Xasanboeva, M.X. Tadjieva, Sh.K.Tashpulatova va boshqalar 
―Maktabgacha ta`lim pedagogikasi‖ ―Ilm Ziyo‖. T.: 2006 y.  
5.  B.Ziyomuhamedov, Sh.Abdullaeva ―Pedagogika‖ ―O’zbekiston Milliy 
entsiklopediyasi davlat ilmiy nashriyoti‖. T.: 2000 y.  
6.  Maktabgacha ta`lim muassasasi to’g’risidagi Nizom. Toshkent 2007 y. 
7.  Maktabgacha yoshdagi bolalar ta`lim-tarbiyasiga qo’yiladigan davlat 
talablari. Toshkent 2008 y. 
8.  J.G’.Yo’ldoshev. Ta`lim yangilanish yo’lida. Toshkent ―O’qituvchi‖ 2000y. 
9.  R. Mavlonova ―Pedagogik texnologiya‖ Toshkent ―Fan‖ 2009 y.  

---

 
84 
10. R. Ishmuxamedov ―Ta`limda  innovatsion texnologiyalar‖.  Toshkent 
―Iste`dod‖. 2008 y 
11. A. I.Vasileva, L.A. Baxturina, I.I.Kobitina ―Bolalar bog’chasining katta 
tarbiyachisi‖ T.: ―O’qituvchi‖1991 y. 
12. Maktabgacha ta`lim kontseptsiyasi. Toshkent 2008 y. 
13. ―Uchinchi mingyillikning bolasi‖ Dasturi. Toshkent 1999 y. 

---

 
85 
VIII  BOB.  Maktabgacha  ta`lim  muassasasi  tarbiyachilariga  bir  kunlik  ish 
rejasini tuzish bo’yicha ko’rsatmalar (amaliy) 
 
Reja:  
 
1.  Maktabgacha ta`lim muassasasining bir kunlik ish rejasini tuzish. 
2.  Maktabgacha ta`lim muassasasi mudiri, uslubchisi va gurux tarbiyachisining 
ish xujjatlarini o’rganish. 
 
 
 
Mustaqil ish. Guruxning bir kunlik ta`lim - tarbiyaviy ish rejasini mustaqil tuzish. 
 
Mavzuning  maqsadi:  YOsh  guruxlar  bo’yicha  ta`lim  -  tarbiyaviy  ish  rejasini 
mustaqil tuzishga o’rgatish. 
 
Mavzuning vazifalari: Maktabgacha ta`lim muassasasi mudiri, uslubchisi va gurux 
tarbiyachisining ish xujjatlarini o’rganish.