Maktabgacha ta`lim

 
4.1.Maktabgacha ta`lim muassasasi ishini rejalashtirishning nazariy asoslari. 
 
 
Maktabgacha  ta`lim  muassasasisida  ta`limiy  -  tarbiyaviy  ishni  rejalashtirish 
pedagoglar:  tarbiyachi,  uslubchi,  mudira  faoliyatining  muxim  turlaridan  biridir. 
Rejalashtirish ta`lim - tarbiyaviy ishining zarur sharoit, foydalaniladigan vosita, ish 
usul  va  metodlarini  ko’rsatib,  ta`lim  -  tarbiyaviy  ish  dasto’rini  amalga  oshirish 
tartibi, izchilligini oldindan aniqlashdir. 
Maktabgacha  pedagogika  fani  maktabgacha  ta`lim  muassasasisi  ishini 
rejalashtirish  mumkinligi  va  zarurligini  ta`kidlab,  bunda  u  inson  shaxsini 
shakllanishida  ijtimoiy  omillar  -  muhit  va  tarbiyaning  muhim  ahamiyatga  egaligi 
haqidagi asosiy qoi-dalarga tayanadi. Rivojlanishning asosiy omili bo’lgan tarbiya 
jarayonida  bilim,  aqliy  va  amaliy  malakalar  hamda  harakat  usullari,  ma`naviy  va 
estetik  baxolarda  va  shu  kabilar  shaklida  berilgan  ijtimoiy  -  tarixiy  tajribani  bola 
tomonidan egallanilishi amalga oshiriladi. Tarbiyaning mazmunini uning  maqsadi 
belgilaydi, demak u dastur tabiatini kasb etadi va rejalashtirishi xam mumkin. 
Tarbiyada etakchi o’rin katta yoshli - o’qituvchiga, tarbiyachiga tegishlidir. 
U  bolalarning  xilma  -  xil  faoliyatlarini  tashkil  etadi  va  yo’lga  soladi,  o’qitish 
jarayonini  amalga  oshiradi.  Faoliyatni  rejalashtirishda  pedagog  bolalar  rivoji  va 
tarbiyasining  umumiy  qonuniyatlari  hamda  tarbiyalanuvchnlarning  o’ziga  xos 
xususiyatlarini  bilishga  tayanadi.  Bolani  tarbiyalash  va  rivojlantirish  qonunlari 

---

 
40 
ob`ektivdir,  ular  bolalar  bilan  olib  boriladigan  ta`lim  -  tarbiyaviy  ish  mazmunini 
xam izchilligini xam aniqlashda asos xizmatini o’taydi. 
Maktabgacha  ta`lim  muassasasisi  ta`lim  -  tarbiyaviy  ishini  rejalashtirish 
mamlakat va maktabgacha pedagogikaning  muhim  yutug’idir. XIX asr o’rtalarida 
rus pedagogikasining mashhur namoyandasi E. N. Vodovozova bolalar bilan tabiat 
xodisalari  va  qishloq  mehnatkashlari  mehnatini  kuzatishlar  mazmuniga  ko’ra 
izchil,  murakkablashib  va  kengayib  boradigan  tizimini  ishlab  chiqdi.  Bu 
kuzatishlar turli yoshdagi bolalar uchun ishlab chiqilgan bo’lib, ularning izchilligi 
tabiat, mexnat va kishilar turmushidagi mavsumiy o’zgarishlar bilan bog’langan. 
Bolalar  bilan  ishlashni  rejalashtirish  mazmun  va  shakllarini  izlash,  uning 
asoslarini  aniqlash  mamlakatimizda  ijtimoiy  maktabgacha  tarbiyaning  butun 
shakllanish  davrida  davom  etdi.  E.  I.  Tixeeva  metodi  asosida  ishlovchi 
maktabgacha ta`lim muassasasisida pedagoglar jamoasi reja dastur ishlab chiqadi. 
Unda  bolalar  bilan  ishning  asosiy  yo’nalishlari,  ularning  birikmalari  beriladi,  har 
bir yo’nalish ichidagi izchillik belgilanadi. 
Maktabgacha pedagogikada pedagogik jarayon asosiy tushuncha sifatida A. 
P.  Usova  hamda  N.  B.  Mchedlidze  asarlarida  ko’rib  chiqilgan.  A.  P.  Usova 
maktabgacha  tarbiya  yoshidagi  bolalarni  o’qitish  muammolarini  ishlab  chiqar 
ekan, maktabgacha ta`lim muassasasisidagi pedagogik jarayonning asosiy tarkibiy 
qismlarini tilga oladi. Ular o’yin, mexnat va o’quv faoliyatidir
1
. 
Maktabgacha ta`lim muassasasisidagi pedagogik jarayonda o’yinning o’rnini 
ta`riflar  ekan,  N.  B.  Mchedlidze  pedagogik  jarayon  yaxlit,  dialektik  va 
rivojlanuvchi xodisadir deydi. Uning rivojlanishi jarayonida asosiy tashkil qiluvchi 
qismlari:  tarbiya  va  o’qitish,  bolalarning  uyushtirilgan  va  mustaqil  faoliyatlari, 
ayrim faoliyat turlari (o’yin, o’quv, mehnat) o’rtasidagi nisbat o’zgaradi
2
. 
Pedagogik  jarayonda  tadqiqotchilar  maqsad  va  mazmunni,  vosita  va 
metodlarni,  pedagog va bolalarning o’zaro  aloqasini. natijani ajratib ko’rsatadilar 
(YU. K. Babanskiy, V. I. Loginova, F.R.Qodirova). 
Pedagogik  jarayonning  xususiyati  uning  mazmuni,  tuzilishi  va  shakllari  rivojida 
namoyon  bo’luvchi  o’zgaruvchanlikdir.  Maktabgacha  ta`lima  muassasasisidagi